Tilbodet innanfor høgare yrkesfagleg utdanning i Noreg er mangfaldig og skal vere tilpassa samfunnet sitt behov for kompetanse. Høgare yrkesfagleg utdanning skal gi kompetanse som kan takast i bruk for å løyse oppgåver i arbeidslivet utan ytterlegare opplæringstiltak.

Dei nasjonale planane for gradsutdanningar i høgare yrkesfagleg utdanning blir utvikla og haldne ved like gjennom nasjonale fagråd.

I samsvar med lov om høgare yrkesfagleg utdanning (fagskulelova 2018) er det styret ved den enkelte tilbydaren av høgare yrkesfagleg utdanning som fastset innhaldet i og føresegnene for gjennomføring av utdanningane. Dei nasjonale planane gir rettleiande rammer som skal sikre at høgare yrkesfaglege utdanningar innanfor den same studieretninga held høg og tilsvarande kvalitet og gir den same kompetansen, uavhengig av fagskule og studiestad. I tillegg sikrar dei at fagskuleutdanningane er på rett nivå i samsvar med Nasjonalt kvalifikasjonsrammeverk for livslang læring (NKR). Dei nasjonale planane er dermed eit viktig grunnlag når den enkelte fagskulen skal utvikle eigne studieplanar som utgjer det faglege grunnlaget for akkreditering i Nasjonalt organ for kvalitet i utdanning (NOKUT).

Nasjonalt fagråd for fagskoleutdanning i helse- og oppvekstfag (NFFHO) har ansvar for å godkjenne nasjonale planar innanfor helse- og oppvekstfag. Fagrådet skal òg bidra til fagleg utvikling av høgare yrkesfagleg utdanning på nasjonalt nivå og skal dessutan vere eit organ for samhandling mellom tilbydarar av høgare yrkesfagleg utdanning i helse- og oppvekstfag, arbeidsgivar- og arbeidstakarorganisasjonar og relevante myndigheiter.

Denne planen er godkjend av NFFHO 27.06.2022.

Innleiing

Høgare yrkesfagleg utdanning om barn og unge med behov for særskild tilrettelegging skal bidra til å styrkje fagkompetansen til studenten, slik at hen som yrkesutøvar står betre rusta til å møte utfordringar i barnehage, skule, SFO og anna barne- og ungdomsarbeid. Målet med utdanninga er å utdanne reflekterte yrkesutøvarar med høg etisk forståing i arbeidet med barn og unge.

Studentane skal tileigne seg kunnskap som styrkjer samarbeidet deira med barn og unge, personale og føresette til beste for enkeltindividet. Utdanninga legg vekt på at studentane skal utvikle ei etisk grunnhaldning som dekkjer den enkelte sitt behov for tilrettelegging. Studieløpet og yrkesutøvinga knyter seg til livslang læring i eit samfunnsperspektiv. Studiet skal gi ei grunnleggjande forståing for kor viktig det pedagogiske og didaktiske arbeidet er i eiga yrkesutøving.

Om utdanninga

har kunnskap om etikk, livsmeistring og tidleg innsats retta mot barn og unge med behov for særskild tilrettelegging som fremjar meistring, utvikling og heilskapleg danning

har kunnskap om barn og unge med behov for særskild tilrettelegging og deira oppleving av å leve i ulike livssituasjonar sett opp mot viktigheita av eiga yrkesutøving

har kunnskap om ulike pedagogiske og didaktiske teoriar som kan brukast i arbeidet med barn og unge med behov for særskild tilrettelegging

forstår kor viktig eige nærvær er i møte medbarn og unge med tanke på sosialisering og vennskap

forstår kor viktig det er medtraumebasert omsorgi møte med barn og unge i risikosituasjonar

har innsikt i regelverk, lover, forskrifter og andre styringsdokument som er relevante for barn og unge med behov for særskild tilrettelegging

har kjennskap til korleis ulike verksemder i oppvekstsektoren legg til rette til beste for enkeltindividet

kan oppdatere den yrkesfaglege kunnskapen sin om barn og unge med behov for særskild tilrettelegging

kan nytte kunnskap om barn og unge med behov for særskild tilrettelegging

kan nytte ulike pedagogiske og didaktiske metodar for å planleggje, gjennomføre og evaluere med tanke på den heilskaplege utviklinga til barn og unge

kan finne informasjon og fagstoff om ulike problemstillingar for barn og unge med behov for tilrettelegging for å fremje opplevinga av inkludering og livsmeistring

kan hjelpe til med å observere og kartleggje barn og unge i sårbare og utsette livssituasjonar og i samarbeid med den pedagogisk ansvarlege identifisere behov for tiltak som er til det beste for enkeltindividet

forstår etiske prinsipp, utfordringar og dilemma i yrkesutøvinga og reflekterer over sin eigen praksis og sine eigne haldningar og verdiar i møte med barn og unge med behov for særskild tilrettelegging og deira føresette

har utvikla ei etisk grunnhaldning som kjem til uttrykk ved at yrkesutøvinga varetek identiteten til barn og unge og dekkjer behovet deira for omsorg og inkludering

kan utføre arbeid som fremjar identiteten til barn og unge og motverkar opplevinga av utanforskap

kan gjennom observasjon, refleksjon og dialog bidra til å utvikle tiltak for barn og unge med behov for særskild tilrettelegging

kan byggje relasjonar med kollegaer, føresette, barn og unge og andre yrkesgrupper, både profesjonelt og fagleg, for å fremje inkludering, livsmeistring og tidleg innsats

kan utføre det pedagogiske arbeidet i tråd med behova til utvalde målgrupper

Overordna læringsutbytte

Emneoversikt

Læringsutbyttebeskrivingane på emnenivå (E-LUB) i denne planen er ikkje utfyllande og må reknast som rettleiande. Det er opp til den enkelte fagskulen å utvikle dekkjande E-LUB som òg tek vare på eigenart og lokale faktorar gjennom eigne studieplanar. Den enkelte fagskulen går kvart år gjennom E-LUB i studieplanane sine i tråd med eigne kvalitetssikringsrutinar.

​​Barn og unge med behov for særskild tilrettelegging​

Barn og unge med behov for særskild tilrettelegging