Tilbodet innanfor høgare yrkesfagleg utdanning i Noreg er mangfaldig og skal vere tilpassa samfunnet sitt behov for kompetanse. Høgare yrkesfagleg utdanning skal gi kompetanse som kan takast i bruk for å løyse oppgåver i arbeidslivet utan ytterlegare opplæringstiltak.

Dei nasjonale planane for gradsutdanningar i høgare yrkesfagleg utdanning blir utvikla og haldne ved like gjennom nasjonale fagråd.

I samsvar med lov om høgare yrkesfagleg utdanning (fagskulelova 2018) er det styret ved den enkelte tilbydaren av høgare yrkesfagleg utdanning som fastset innhaldet i og føresegnene for gjennomføring av utdanningane. Dei nasjonale planane gir rettleiande rammer som skal sikre at høgare yrkesfaglege utdanningar innanfor den same studieretninga held høg og tilsvarande kvalitet og gir den same kompetansen, uavhengig av fagskule og studiestad. I tillegg sikrar dei at fagskuleutdanningane er på rett nivå i samsvar med Nasjonalt kvalifikasjonsrammeverk for livslang læring (NKR). Dei nasjonale planane er dermed eit viktig grunnlag når den enkelte fagskulen skal utvikle eigne studieplanar som utgjer det faglege grunnlaget for akkreditering i Nasjonalt organ for kvalitet i utdanning (NOKUT).

Nasjonalt fagråd for fagskoleutdanning i helse- og oppvekstfag (NFFHO) har ansvar for å godkjenne nasjonale planar innanfor helse- og oppvekstfag. Fagrådet skal òg bidra til fagleg utvikling av høgare yrkesfagleg utdanning på nasjonalt nivå og skal dessutan vere eit organ for samhandling mellom tilbydarar av høgare yrkesfagleg utdanning i helse- og oppvekstfag, arbeidsgivar- og arbeidstakarorganisasjonar og relevante myndigheiter.

Denne planen er godkjend av NFFHO 15.07.2022.

Innleiing

Utdanninga eldre og livsmeistring tek sikte på å utdanne reflekterte yrkesutøvarar med høg yrkesetisk standard. Gjennom utdanninga vil studentane opparbeide seg spisskompetanse i arbeid med eldre. Dei lærer å planleggje, organisere og setje i verk tiltak for eldre i samarbeid med brukarar, pårørande, medarbeidarar og andre yrkesgrupper i helse- og omsorgssektoren. Livsmeistring, brukarmedverknad og verdigheit er omgrep som står sentralt gjennom heile utdanninga. Studentane vil òg opparbeide seg kompetanse som varetek og sikrar fagleg forsvarlegheit.

Lov om høgare yrkesfagleg utdanning (fagskulelova) har som formål å leggje til rette for utdanning av høg kvalitet. Høgare yrkesfagleg utdanning ligg på nivå 5.1 i Nasjonalt kvalifikasjonsrammeverk, altså på nivået over vidaregåande opplæring, og gir kompetanse som kan brukast i arbeidslivet utan ytterlegare opplæringstiltak.

Utdanninga eldre og livsmeistring har eit omfang på 60 studiepoeng og er inndelt i seks emne.

Om utdanninga eldre og livsmeistring

Omgrepsavklaringar

har kunnskap om aldring, sjukdom og livsmeistring og kva omgrep, prosessar og verktøy som er sentrale innanfor dette fagområdet

har innsikt i sentrale lover, forskrifter og rettleiingar som regulerer rettar og plikter og gir tilrådingar innanfor arbeid med eldre og livsmeistring

har bransjekunnskap og kjennskap til organisering av helsetenesta og ansvarsfordelinga mellom den private helsetenesta, den kommunale helsetenesta og spesialisthelsetenesta

har kunnskap om gjeldande kartleggingsverktøy som omfattar fysisk, psykisk og sosial helse og endring i desse

kan oppdatere den yrkesfaglege kompetansen sin på eldreomsorg

forstår si eiga yrkesrolle og sin eigen yrkeskompetanse i eit samfunnsperspektiv, og dessutan si eiga yrkesrolle i samarbeid med andre yrkesgrupper

kan nytte fagleg kunnskap om livsmeistring og sjukdom hos eldre

kan nytte relevante kartleggingsverktøy, faglege verktøy og teknikkar for å fremje livsmeistring i eldreomsorga

kan finne informasjon og fagstoff som er relevant i arbeidet med faglege problemstillingar i eldreomsorga

kan kartleggje ein situasjon og identifisere faglege problemstillingar som handlar om eldre og livsmeistring, og identifisere behov for å setje i verk tiltak

har forståing for faglege og etiske prinsipp innanfor arbeidet med eldre og livsmeistring

har utvikla ei etisk grunnhaldning i utøvinga av yrket som kjem til uttrykk gjennom refleksjon og samhandling med eldre, pårørande og andre samarbeidspartnarar, og i møte med mangfald, migrasjonshelse og ulike kulturar og urfolk

kan utføre arbeid med eldre og livsmeistring etter behova til pasienten, brukaren eller målgruppa

kan byggje relasjonar med relevante yrkesgrupper i eldreomsorga og på tvers av fagfelt

kan utvikle arbeidsmetodar med relevans for eldreomsorga gjennom erfaringsutveksling, kunnskapsdeling, rettleiing og etisk refleksjon

Overordna læringsutbytte

Emneoversikt

Læringsutbyttebeskrivingane på emnenivå (E-LUB) i denne planen er ikkje utfyllande og må reknast som rettleiande. Det er opp til den enkelte fagskulen å utvikle dekkjande E-LUB som òg tek vare på eigenart og lokale faktorar gjennom eigne studieplanar. Den enkelte fagskulen går kvart år gjennom E-LUB i studieplanane sine i tråd med eigne kvalitetssikringsrutinar.

​​Eldre og livsmeistring​

Eldre og livsmeistring