Tilbodet innanfor høgare yrkesfagleg utdanning i Noreg er mangfaldig og skal vere tilpassa samfunnet sitt behov for kompetanse. Høgare yrkesfagleg utdanning skal gi kompetanse som kan takast i bruk for å løyse oppgåver i arbeidslivet utan ytterlegare opplæringstiltak.

Dei nasjonale planane for gradsutdanningar i høgare yrkesfagleg utdanning blir utvikla og haldne ved like gjennom nasjonale fagråd.

I samsvar med lov om høgare yrkesfagleg utdanning (fagskulelova 2018) er det styret ved den enkelte tilbydaren av høgare yrkesfagleg utdanning som fastset innhaldet i og føresegnene for gjennomføring av utdanningane. Dei nasjonale planane gir rettleiande rammer som skal sikre at høgare yrkesfaglege utdanningar innanfor den same studieretninga held høg og tilsvarande kvalitet og gir den same kompetansen, uavhengig av fagskule og studiestad. I tillegg sikrar dei at fagskuleutdanningane er på rett nivå i samsvar med Nasjonalt kvalifikasjonsrammeverk for livslang læring (NKR). Dei nasjonale planane er dermed eit viktig grunnlag når den enkelte fagskulen skal utvikle eigne studieplanar som utgjer det faglege grunnlaget for akkreditering i Nasjonalt organ for kvalitet i utdanning (NOKUT).

Nasjonalt fagråd for fagskoleutdanning i helse- og oppvekstfag (NFFHO) har ansvar for å godkjenne nasjonale planar innanfor helse- og oppvekstfag. Fagrådet skal òg bidra til fagleg utvikling av høgare yrkesfagleg utdanning på nasjonalt nivå og skal dessutan vere eit organ for samhandling mellom tilbydarar av høgare yrkesfagleg utdanning i helse- og oppvekstfag, arbeidsgivar- og arbeidstakarorganisasjonar og relevante myndigheiter.

Denne planen er godkjend av NFFHO 27.06.2022.

Innleiing

Det norske samfunnet er prega av språkleg og kulturelt mangfald. Personale i oppvekstsektoren speler ei svært viktig rolle når det gjeld å støtte barn i den språklege utviklinga og den kulturelle danninga. Det er ikkje alltid like enkelt å vite korleis ein kan støtte barn i utviklinga av dei ulike språka og kulturelle uttrykka. Med viktig og oppdatert kunnskap kan personalet i stor grad bidra til å møte mangfald og utvikle eit inkluderande fellesskap for alle barn.

Om utdanninga

har innsikt i lovverk, regelverk og styringsdokument som har relevans for studiet

har kunnskap om at fleirspråkleg og fleirkulturelt mangfald fremjar omgrepsutviklinga, læringa og den kognitive utviklinga hos barn

har kunnskap om omgrep og prosessar knytte til einspråkleg og fleirspråkleg utvikling og dreg nytte av aktuelt og relevant fagstoff

kan oppdatere kunnskapen sin om språk, fleirspråklegheit og kulturelt mangfald

forstår kva arbeid med språkleg og kulturelt mangfald i oppvekstsektoren betyr for samspel og tilhøyrsle i det fleirkulturelle samfunnet

har kunnskap om oppvekstsektoren og institusjonar i oppvekstsektoren som gir rettleiing om arbeid med barn og føresette i ulike språklege og kulturelle samanhengar

kan nytte kunnskap om språkleg utvikling og fleirkulturelt mangfald til å fremje eit inkluderande fellesskap på arbeidsplassen 

kan finne informasjon i litteratur og andre faglege kjelder som er relevant for arbeidet med språkleg og kulturelt mangfald

bidreg til å byggje fellesskap og styrkje samanhengar mellom ulike språk, kulturar og religionar

kan nytte kunnskap om språkleg og kulturelt mangfald til å byggje eit inkluderande fellesskap og styrkje samanhengar mellom ulike språk, kulturar og religionar

kan nytte ulike former for arbeidsmetodar og språkstimulerande aktivitetar for å fremje barns kognitive og språklege utvikling

kan vere med og observere og identifisere faglege problemstillingar og behov for pedagogiske tiltak

har utvikla ei etisk grunnhaldning og forståing som anerkjenner ulik språkleg og kulturell identitet hos barn

har forståing for etiske prinsipp, utfordringar og dilemma i møte med barn og foreldre med ulik språkleg, religiøs og kulturell tilhøyrsle

kan byggje tverrfagleg samarbeid med interne og eksterne fagpersonar i oppvekstsektoren

kan byggje relasjonar med føresette og samarbeide om den heilskaplege utviklinga og læringa til barna

kan leggje til rette for språkleg og kognitiv utvikling i arbeid med det enkelte barnet og med barnegrupper

kan utvikle arbeidsmetodar for å redusere fordommar og diskriminering av barn og føresette med ulik språkleg og kulturell bakgrunn.

Overordna læringsutbytte

Emneoversikt

Læringsutbyttebeskrivingane på emnenivå (E-LUB) i denne planen er ikkje utfyllande og må reknast som rettleiande. Det er opp til den enkelte fagskulen å utvikle dekkjande E-LUB som òg tek vare på eigenart og lokale faktorar gjennom eigne studieplanar. Den enkelte fagskulen går kvart år gjennom E-LUB i studieplanane sine i tråd med eigne kvalitetssikringsrutinar.

Språkleg og kulturelt mangfald i oppvekstsektoren