Brønnservice nynorsk

Tilbodet innanfor høgare yrkesfagleg utdanning i Noreg er mangfaldig og skal vere tilpassa samfunnet sitt behov for kompetanse. Høgare yrkesfagleg utdanning skal gi kompetanse som kan takast i bruk for å løyse oppgåver i arbeidslivet utan ytterlegare opplæringstiltak.

Dei nasjonale planane for gradsutdanningar i høgare yrkesfagleg utdanning blir utvikla og haldne ved like gjennom nasjonale fagråd.

I samsvar med lov om høgare yrkesfagleg utdanning (fagskulelova 2018) er det styret ved den enkelte tilbydaren av høgare yrkesfagleg utdanning som fastset innhaldet i og føresegnene for gjennomføring av utdanningane. Dei nasjonale planane gir rettleiande rammer som skal sikre at høgare yrkesfaglege utdanningar innanfor den same studieretninga held høg og tilsvarande kvalitet og gir den same kompetansen, uavhengig av fagskule og studiestad. I tillegg sikrar dei at fagskuleutdanningane er på rett nivå i samsvar med Nasjonalt kvalifikasjonsrammeverk for livslang læring (NKR). Dei nasjonale planane er dermed eit viktig grunnlag når den enkelte fagskulen skal utvikle eigne studieplanar som utgjer det faglege grunnlaget for akkreditering i Nasjonalt organ for kvalitet i utdanning (NOKUT).

Nasjonalt fagråd for tekniske fag (NFTF) har ansvar for å godkjenne nasjonale planar innanfor tekniske fag. Fagrådet skal òg bidra til fagleg utvikling av høgare yrkesfagleg utdanning på nasjonalt nivå og skal dessutan vere eit organ for samhandling mellom tilbydarar av høgare yrkesfagleg utdanning i tekniske fag, arbeidsgivar- og arbeidstakarorganisasjonar og relevante myndigheiter.

Denne planen er godkjend av NFTF 28.11.2023.

Innleiing

Om fagretninga: Petroleum

Om fordjupinga: Brønnservice

Om utdanninga

har kunnskap om korleis ein planlegg å bore og halde ved like ein brønn på ein berekraftig måte

har kunnskap om tekniske løysingar for å bore, ferdigstille og drifte ein brønn

har kunnskap om barrierefilosofi i alle fasar av levetida til brønnen

har kunnskap om utfordringar knytte til ferdigstilling og vedlikehald av brønnar

har kunnskap om økonomistyring, marknadsføring, organisasjon og leiing

kan vurdere eige brønnteknisk arbeid med omsyn til regelverk og standardar

har bransjekunnskap og kjennskap til yrkespraksis innanfor brønnservice

kan oppdatere den yrkesfaglege kunnskapen sin gjennom internopplæring, erfaringslæring og deltaking i faglege fellesskap

har innsikt i eigne moglegheiter for fagleg utvikling innanfor brønnservice

kjenner til brønnserviceindustriens historie, tradisjon, eigenart og plass i samfunnet

forstår kor viktig eigen bransje er for verdiskaping, samfunnsutvikling og framtidig energiomstilling

kan gjere greie for val i samband med løysingar og utstyr for bygging og vedlikehald av ein brønn med tanke på sikkerheit, energioptimalisering, klima og miljø

kan reflektere over utføringa av ein brønnserviceoperasjon og justere denne under rettleiing frå leiande personell

kan finne og vise til informasjon og fagstoff og vurdere relevansen for ei teknisk problemstilling relatert til brønnservice

kan kartleggje ein operasjonell situasjon og identifisere problemstillingar med vekt på sikker og effektiv boring og bygging av ein brønn og kan identifisere behov for å setje i verk korrektive tiltak etter regelverk og standardar

kan planleggje og gjennomføre brønntekniske arbeidsoppgåver og prosjekt åleine og som deltakar i ei gruppe og i tråd med dei etiske krava og retningslinjene som varetek miljø, personell og materiell

forstår kva arbeidsoperasjonar knytte til boring, komplettering og brønnintervensjon har å seie for effektiv produksjon, ressursutnytting og ressursforvalting

kan byggje relasjonar med fagfellar i alle disiplinar innanfor boring og brønn og med eksterne målgrupper

kan utveksle synspunkt med andre innanfor brønnserviceindustrien og delta i diskusjonar om utvikling av operasjonell og sikker praksis

kan bidra til organisasjonsutvikling og HMS-arbeid gjennom aktiv bruk av bedriftene sitt styringssystem for HMS og kvalitet

kan utvikle arbeidsmetodar, produkt og/eller tenester med relevans for boring og brønn i form av kontinuerleg forbetring

Overordna læringsutbytte

Emneoversikt

Læringsutbyttebeskrivingane på emnenivå (E-LUB) i denne planen er ikkje utfyllande og må reknast som rettleiande. Det er opp til den enkelte fagskulen å utvikle dekkjande E-LUB som òg tek vare på eigenart og lokale faktorar gjennom eigne studieplanar. Den enkelte fagskulen går kvart år gjennom E-LUB i studieplanane sine i tråd med eigne kvalitetssikringsrutinar.

​​Brønnservice​

Brønnservice