Tilbodet innanfor høgare yrkesfagleg utdanning i Noreg er mangfaldig og skal vere tilpassa samfunnet sitt behov for kompetanse. Høgare yrkesfagleg utdanning skal gi kompetanse som kan takast i bruk for å løyse oppgåver i arbeidslivet utan ytterlegare opplæringstiltak.

Dei nasjonale planane for gradsutdanningar i høgare yrkesfagleg utdanning blir utvikla og haldne ved like gjennom nasjonale fagråd.

I samsvar med lov om høgare yrkesfagleg utdanning (fagskulelova 2018) er det styret ved den enkelte tilbydaren av høgare yrkesfagleg utdanning som fastset innhaldet i og føresegnene for gjennomføring av utdanningane. Dei nasjonale planane gir rettleiande rammer som skal sikre at høgare yrkesfaglege utdanningar innanfor den same studieretninga held høg og tilsvarande kvalitet og gir den same kompetansen, uavhengig av fagskule og studiestad. I tillegg sikrar dei at fagskuleutdanningane er på rett nivå i samsvar med Nasjonalt kvalifikasjonsrammeverk for livslang læring (NKR). Dei nasjonale planane er dermed eit viktig grunnlag når den enkelte fagskulen skal utvikle eigne studieplanar som utgjer det faglege grunnlaget for akkreditering i Nasjonalt organ for kvalitet i utdanning (NOKUT).

Nasjonalt fagråd for tekniske fag (NFTF) har ansvar for å godkjenne nasjonale planar innanfor tekniske fag. Fagrådet skal òg bidra til fagleg utvikling av høgare yrkesfagleg utdanning på nasjonalt nivå og skal dessutan vere eit organ for samhandling mellom tilbydarar av høgare yrkesfagleg utdanning i tekniske fag, arbeidsgivar- og arbeidstakarorganisasjonar og relevante myndigheiter.

Denne planen er godkjend av NFTF 27.06.2022. Emneplanen for reiskapsemne og LØM er godkjend av NFTF 15.12.2022.

Innleiing

Maskinteknikkutdanninga gir kompetanse som medarbeidar og leiar i verksemder i mekanisk industri. Kompetansen dannar grunnlag for at dei ulike prosessane i bedrifta er økonomisk optimale og gir gode vilkår for folk og miljø.

Utdanninga kvalifiserer til stillingar i privat og offentleg sektor innanfor leiing, prosjekt, produksjon, vedlikehald, kvalitetssikring og logistikk av varer og tenester. Mange nyttar teknisk fagskule som ei plattform for å bli faglærar eller instruktør i den vidaregåande skulen.

Om utdanninga

har kunnskap om omgrep, teoriar, modellar, prosessar og verktøy som blir nytta innanfor mekanisk industri

har kunnskap om korleis berekningsmodellar, konstruksjonsverktøy og teknikkar og produksjonsteknikkar, utstyr og prosessar blir nytta for å utvikle produkt i mekanisk industri

har kunnskap om økonomistyring, organisasjon, leiing og marknadsføringsleiing

har kunnskap om digital produksjon, additiv tilverking, automatiserte anlegg og igangsetjing, drift og vedlikehald av robotar

har kunnskap om HMS- og prosjektleiing og prosjekt- og kvalitetsstyring

kan vurdere sitt eige arbeid med omsyn til normer, standardar, lover og forskrifter som gjeld for mekaniske installasjonar, og kan vurdere om det er teke nødvendige miljøomsyn

kjenner til den mekaniske industriens historie, tradisjon, eigenart og plass i samfunnet lokalt, nasjonalt og internasjonalt, spesielt med tanke på maskinteknikk

har innsikt i sine eigne høve til utvikling innanfor mekanisk industri

kan gjere greie for dei faglege vala av konstruksjonsverktøy, løysingar og komponentar som blir nytta på fagområdet, både dei mekaniske og dei automatiserte delane av eit anlegg

kan gjere greie for val av metodar og prinsipp innanfor prosjekt-, kvalitets- og HMS-leiing 

kan reflektere over si eiga faglege utøving og forbetre og vidareutvikle løysingane under rettleiing

kan finne og vise til informasjon og fagstoff om maskinteknikk og vurdere relevansen for ei yrkesfagleg problemstilling

kan vurdere bedrifta sin økonomiske situasjon og marknads- og leiingsutfordringar og kan gjere fornuftige og grunngitte val


kan planleggje, prosjektere og gjennomføre maskintekniske arbeidsoppgåver og prosjekt åleine og som deltakar i eller leiar for ei gruppe, og i tråd med etiske krav og retningslinjer for miljø og kvalitet som gjeld nasjonalt og internasjonalt

kan kartleggje ein situasjon og identifisere faglege problemstillingar innanfor konstruksjon og utvikling av maskintekniske produkt og løysingar og behov for å setje i verk tiltak

kan planleggje, prosjektere og gjennomføre løysingar for enkeltståande robotar

kan utveksle synspunkt på mekaniske problemstillingar med andre som har bakgrunn frå maskinteknikkbransjen, og kan delta i diskusjonar om utvikling av god praksis

kan bidra til organisasjonsutvikling i verksemda 


Overordna læringsutbytte

Emneoversikt

Læringsutbyttebeskrivingane på emnenivå (E-LUB) i denne planen er ikkje utfyllande og må reknast som rettleiande. Det er opp til den enkelte fagskule å utvikle dekkjande E-LUB som òg tek vare på eigenart og lokale faktorar gjennom eigne studieplanar. Den enkelte fagskulen går kvart år gjennom E-LUB i studieplanane sine i tråd med eigne kvalitetssikringsrutinar.