Tilbodet innanfor høgare yrkesfagleg utdanning i Noreg er mangfaldig og skal vere tilpassa samfunnet sitt behov for kompetanse. Høgare yrkesfagleg utdanning skal gi kompetanse som kan takast i bruk for å løyse oppgåver i arbeidslivet utan ytterlegare opplæringstiltak.

Dei nasjonale planane for gradsutdanningar i høgare yrkesfagleg utdanning blir utvikla og haldne ved like gjennom nasjonale fagråd.

I samsvar med lov om høgare yrkesfagleg utdanning (fagskulelova 2018) er det styret ved den enkelte tilbydaren av høgare yrkesfagleg utdanning som fastset innhaldet i og føresegnene for gjennomføring av utdanningane. Dei nasjonale planane gir rettleiande rammer som skal sikre at høgare yrkesfaglege utdanningar innanfor den same studieretninga held høg og tilsvarande kvalitet og gir den same kompetansen, uavhengig av fagskule og studiestad. I tillegg sikrar dei at fagskuleutdanningane er på rett nivå i samsvar med Nasjonalt kvalifikasjonsrammeverk for livslang læring (NKR). Dei nasjonale planane er dermed eit viktig grunnlag når den enkelte fagskulen skal utvikle eigne studieplanar som utgjer det faglege grunnlaget for akkreditering i Nasjonalt organ for kvalitet i utdanning (NOKUT).

Nasjonalt fagråd for tekniske fag (NFTF) har ansvar for å godkjenne nasjonale planar innanfor tekniske fag. Fagrådet skal òg bidra til fagleg utvikling av høgare yrkesfagleg utdanning på nasjonalt nivå og skal dessutan vere eit organ for samhandling mellom tilbydarar av høgare yrkesfagleg utdanning i tekniske fag, arbeidsgivar- og arbeidstakarorganisasjonar og relevante myndigheiter.

Denne planen er godkjend av NFTF 28.11.2023.

Innleiing

Prosessteknikkutdanninga gir kompetanse som medarbeidar og leiar i verksemder i prosessteknisk industri. Utdanninga kvalifiserer til stillingar i privat og offentleg sektor knytte til kjemiske prosessar, driftsforhold, driftsutstyr, prosessapparatur, vedlikehald, materialval, berekraft, leiing og prosjekt. Mange nyttar utdanninga som ei plattform for å bli faglærar eller instruktør i den vidaregåande skulen.

Om utdanninga

har kunnskap om kjemiske og fysikalske prosessar som skjer ved produktframstilling, frå råvare til ferdig produkt

har kunnskap om prosessteknikkar som reinsing, analyse og transport på både det kjemiske og det tekniske området i eit prosessanlegg

har kunnskap om prosessar og prosesskjemiske maskiner som er nødvendige for at kjemiske reaksjonar skal finne stad

har kunnskap om instrument for å måle, styre og regulere driftsparametrar i eit kjemisk anlegg

har kunnskap om livsløpet til kjemiske produkt og kjenner til miljøkonsekvensane ved framstilling, bruk og avhending

har kunnskap om eksponeringsfaktorar i prosessindustrien og dei vanlegaste risikoreduserande tiltaka

har kunnskap om økonomistyring, organisasjon, leiing og marknadsføringsleiing

har kunnskap om nyskaping, etablering, leiing og drift av verksemder i prosessindustrien

veit korleis ein vurderer og sikrar at alle trinn i prosessen blir utførte i samsvar ned lover som gjeld for prosessindustrien og for helse, miljø og sikkerheit (HMS), med tilhøyrande forskrifter, og nasjonale og internasjonale standardar i prosessindustrien

har kunnskap om prosessindustrien og kjennskap til yrkesfeltet og til samarbeid med andre yrkesfelt som petroleums- og næringsmiddelindustrien

kan oppdatere den yrkesfaglege kunnskapen sin om prosessindustrien

kjenner til prosessindustriens historie, tradisjon, eigenart og plass i samfunnet

har innsikt i sine eigne høve til utvikling innanfor prosessindustrien

kan, på grunnlag av teoriar, berekningar og utstyrsforståing, gjere greie for dei faglege vala sine når prosessystem skal setjast i drift

kan bidra til nyskaping, etablering, leiing og drift av verksemder i prosessindustrien

kan reflektere over prosessen som heilskap og justere den faglege utøvinga under rettleiing

kan vurdere bedrifta sin økonomiske situasjon og marknads- og leiingsutfordringar og gjere fornuftige og grunngitte val

kan finne og vise til prosessteknisk informasjon og vurdere relevansen for ei prosessfagleg problemstilling

kan kartleggje prosesskjemiske og prosessindustrielle situasjonar og identifisere problemstillingar knytte til parametrar i prosessen ved å utarbeide og følgje opp system for kvalitetssikring (KS) og helse, miljø og sikkerheit (HMS), og kan setje i verk tiltak ved behov

kan utnytte innsamla data frå prosessar gjennom tolking, analyse og presentasjon

kan planleggje og gjennomføre kjemiske berekningar, analysar og prosesstekniske arbeidsoppgåver og prosjekt, åleine og som deltakar i ei gruppe, i tråd med etiske krav og retningslinjer

kan utføre arbeidet sitt på ein teknisk, sikkerheitsmessig og økonomisk forsvarleg måte etter behova til kundane og samfunnet

kan byggje relasjonar med fagfellar innanfor prosessfaget, eksterne målgrupper i petroleums- og næringsmiddelindustrien og verksemder med kjemisk og prosessteknisk kompetanse

kan utveksle synspunkt med andre som har praktisk og teoretisk bakgrunn frå prosessbransjen, og delta i diskusjonar om utvikling

Overordna læringsutbytte

Emneoversikt

Læringsutbyttebeskrivingane på emnenivå (E-LUB) i denne planen er ikkje utfyllande og må reknast som rettleiande. Det er opp til den enkelte fagskulen å utvikle dekkjande E-LUB som òg tek vare på eigenart og lokale faktorar gjennom eigne studieplanar. Den enkelte fagskulen går kvart år gjennom E-LUB i studieplanane sine i tråd med eigne kvalitetssikringsrutinar.