Observasjons- og vurderingskompetanse

Høgare yrkesfagleg utdanning i observasjons- og vurderingskompetanse har som mål å utdanne yrkesutøvarar som har kompetanse til å oppdage forverring av somatisk tilstand tidleg ved å observere, kartleggje og undersøkje pasientane. Studenten skal etter fullført utdanning ha observasjons- og vurderingskompetanse når det gjeld utvalde somatiske sjukdommar, skadar, psykiske sjukdommar og ruslidingar. Studenten skal ha kompetanse i å kartleggje risiko og identifisere særleg sårbare pasientgrupper. Utdanninga vil gi studenten opplæring i førstehjelp, utvalde praktiske prosedyreferdigheiter, smittevern og legemiddelhandtering. Utdanninga skal gjere studentane meir bevisste på kor viktig profesjonalitet i eiga rolle og yrkesutøving er i arbeidet med pasientsikkerheit og i forbetrings- og kvalitetsarbeidet.