Havbotninstallasjonar

Realfagleg reiskap

Læringsutbytte

Kunnskap

Studenten

• har kunnskap om realfag som reiskap innanfor fagområdet sitt
• har kunnskap om realfaglege omgrep, teoriar, analysar, strategiar, prosessar og verktøy som blir nytta
• kan utføre berekningar, overslag og problemløysing med relevans for dimensjonering og andre problemstillingar innanfor studieretninga
• kan vurdere sitt eige arbeid i samsvar med matematiske og fysiske lover
• kan utvide kunnskapen sin og har innsikt i eigne høve til utvikling innanfor realfag
• kjenner til matematikkens og fysikkens eigenart og plass i samfunnet

Ferdigheiter

Studenten

• kan gjere greie for val av reknemetoden som blir brukt til å løyse faglege problem
• kan gjere greie for val av digitale verktøy som blir brukte til problemløysing innanfor realfaglege tema
• kan nytte digitale hjelpemiddel til å løyse likningar og andre matematiske oppgåver
• kan vurdere resultat av berekningar og reflektere over si eiga faglege utøving og justere denne under rettleiing
• kan finne og vise til relevant informasjon og fagstoff i formelsamlingar, tabellar og fagbøker
• kan kartleggje ein situasjon og identifisere realfaglege problemstillingar
• har kjennskap til og kan nytte grunnleggjande fysiske lover og fysikkens metodikk
• kan tolke og bruke modellar som blir nytta innanfor matematikk og fysikk

Generell kompetanse

Studenten

• kan planleggje og gjennomføre yrkesretta arbeidsoppgåver og prosjekt åleine og som deltakar i ei gruppe ved å nytte realfag i tråd med etiske krav, retningslinjer og målgruppa sine behova
• har innsikt i kva føresetnader og forenklingar hen har gjort i berekningane sine
• har innsikt i rekkjevidda og avgrensingane til metodane som blir brukte
• kan utveksle synspunkt og samarbeide med fagfellar om fagspesifikke problemstillingar med realfag som tverrfagleg fundament, og dermed bidra til organisasjonsutvikling

Kommunikasjon

Læringsutbytte

Kunnskap

Studenten

• har kunnskap om grunnleggjande kommunikasjonsteori
• kjenner til kva kulturell identitet har å seie for samarbeid og kommunikasjon på arbeidsplassen
• har kunnskap om engelske faguttrykk som blir brukte innanfor eige fagområde
• har kunnskap om sentrale retoriske omgrep og verkemiddel
• har kunnskap om kjeldebruk etter standard for høgare utdanning
• kjenner til vanlege digitale verktøy for kjeldetilvising, dokumentasjon, tekstproduksjon, deling, presentasjon og møte
• har kjennskap til prinsipp for tekstorganisering og produksjon
• har kunnskap om kva som kjenneteiknar ei problemstilling, og korleis ein kan svare på henne

Ferdigheiter

Studenten

• kan reflektere over møte mellom forskjellige arbeidslivskulturar
• kan bruke relevante omgrep for å analysere sin eigen og andres tekst
• kan reflektere over og revidere tekstar
• kan reflektere over korleis retorikk blir nytta
• kan byggje opp sakleg argumentasjon og bruke retoriske appellformer
• kan innhente informasjon frå ulike kjelder og bruke han kritisk, formålstenleg og etterretteleg
• kan reflektere over eigen kommunikasjon i profesjonell samanheng
• kan produsere tekstar der form og innhald er tilpassa situasjonen, målet og mottakaren
• kan bruke digitale kommunikasjonsverktøy i ein profesjonell samanheng
• kan uttrykkje seg med nyansert ordval, variert setningsstruktur og tekstbinding
• kan planleggje, strukturere og gjennomføre møte og presentasjonar

Generell kompetanse

Studenten

• kan kommunisere formålstenleg for å bidra til ein inkluderande organisasjonskultur
• kan tilpasse språk og argumentasjon etter mål og mottakar
• kan produsere tekstar med korrekt rettskriving, grammatikk og teiknsetjing
• meistrar relevante kommunikasjonsverktøy
• kan kommunisere gjennom relevante tekstar og kanalar
• kan samarbeide om tekstproduksjon

Leiing, økonomi og marknadsføring (LØM)

Læringsutbytte

Kunnskap

Studenten

• har kunnskap om sentrale omgrep innanfor økonomi, organisasjon og marknadsføring knytte til føretaksleiing
• har kunnskap om lønnskostnader
• har kunnskap om mål, tiltak og handlingsplanar
• kjenner til aktuelle lover og avtalar innanfor emnet

Ferdigheiter

Studenten

• kan kartleggje eksterne og interne arbeidsvilkår og utarbeide situasjonsanalysar
• kan gjere greie for den økonomiske statusen i bedrifta ved å hente ut økonomiske data frå rekneskapen og bruke dei i analysar og kalkylar
• kan vurdere betalingsevna og kapitalbehovet til bedrifta
• kan planleggje økonomiske milepælar ved å utarbeide budsjett og gjere greie for økonomisk måloppnåing ved å vurdere eventuelle avvik
• kan gjennomføre ein investeringsanalyse og reflektere over lønnsemda i ei mogleg framtidig investering
• kan bruke rekneark i arbeidet med rekneskap, budsjett, analysar og kalkylar
• kan gjere ei heilskapleg prisvurdering og utarbeide kalkylar
• kan vurdere organisasjonsstrukturen og kulturen og arbeidsmiljøet for å vidareutvikle verksemda
• kan kommunisere med, leie og motivere personalet på måtar som fremjar effektivitet og trivsel
• kan identifisere, analysere og utvikle kompetansen til medarbeidarane
• kan planleggje og gjennomføre gode rekrutteringsprosessar, frå behovsanalyse til introduksjon
• kan gjere greie for kjøpsprosessen i ulike marknader og vurdere kunden si kjøpsåtferd i desse
• kan vurdere val av marknadskommunikasjonstiltak i aktuelle medium og tilpasse bodskap til utvalde målgrupper i dei aktuelle media
• kan vurdere kva produkt bedrifta bør satse på, i kva marknader satsinga bør skje, og kva distribusjonskanalar ein bør nytte
• kan vurdere val av verksemds- og marknadsstrategi

Generell kompetanse

Studenten

• kan innanfor gitte tidsfristar, åleine og i samarbeid med andre, planleggje, gjennomføre, dokumentere og levere arbeidsoppgåver og prosjekt
• kan etablere, utvikle og leie ein organisasjon på måtar som fremjar både effektivitet, arbeidsmiljø, berekraft og samfunnsansvar
• har digital kompetanse til å søkje kunnskap og informasjon og kan tolke og bruke informasjonen i det vidare arbeidet
• kan kommunisere internt og eksternt og nytte digitale verktøy til dette
• kan utarbeide relevante faglege dokument som til dømes pristilbod, tiltaks-/handlingsplanar, arbeidsavtalar, møteinnkallingar med saksframlegg, forretningsplanar og marknadsplanar
• kan reflektere over samfunnsutviklinga og relatere utviklinga til bedrifta sin situasjon

Emne: Leiting og brønnplanlegging

Læringsutbytte

Kunnskap

Studenten

• har kunnskap om kva forhold som påverkar planlegginga av ein brønn i alle fasar, basert på kartlegging av reservoaret og dei geologiske forholda
• har kunnskap om ulike materiale og vedlikehald av innretningar og utstyr
• har kunnskap om logistikksystem og forsyningskjeder
• har kunnskap om digitale verktøy for brønnplanlegging, logistikk og vedlikehald av innretningar og utstyr
• har kunnskap om berekraftig utvikling, mellom anna med omsyn til klima, miljø, økonomi og sosiale forhold knytte til energisektoren
• kan vurdere sitt eige arbeid med omsyn til gjeldande regelverk og standardar
• kan oppdatere den yrkesfaglege kunnskapen sin om brønnplanlegging i eit berekraftig perspektiv
• kjenner til bransjens historie, eigenart og plass i samfunnet sett i samanheng med kartlegging, leiteaktivitet og feltutbygging
• har innsikt i eigne høve til fagleg utvikling

Ferdigheiter

Studenten

• kan nytte fagkunnskap på praktiske og teoretiske problemstillingar knytte til leiting og brønnplanlegging
• kan nytte digitale verktøy for brønnplanlegging, logistikk og vedlikehald av innretningar og utstyr
• kan gjere greie for val av berekraftige løysingar og materiale i samband med bygging av brønnar og med omsyn til krav som blir stilte til sikker drift og vedlikehald
• kan reflektere over si eiga faglege utøving i samband med brønnplanlegging og justere denne under rettleiing
• kan finne og vise til informasjon og fagstoff og vurdere relevansen knytt til leiting og brønnplanlegging
• kan kartleggje ein situasjon under planlegginga av ein brønn og identifisere faglege problemstillingar og behov for å setje i verk tiltak

Generell kompetanse

Studenten

• kan planleggje ein brønn som deltakar i ei gruppe og i tråd med etiske krav og retningslinjer
• kan gjennomføre vedlikehald av innretningar og utstyr åleine og som deltakar i ei gruppe og i tråd med etiske krav og retningslinjer
• kan utføre arbeidet sitt i tråd med behova til oppdragsgivaren og krava frå myndigheitene
• kan byggje relasjonar med fagfellar og med personell frå relevante fagdisiplinar
• kan delta i diskusjonar og utveksle erfaringar med sikte på å utvikle god praksis innanfor leiting og brønnplanlegging
• kan bidra til organisasjonsutvikling ved å planleggje og setje i verk systematiske tiltak
• kan utvikle arbeidsprosedyrar innanfor brønnplanlegging og vedlikehald av innretningar og utstyr

Tema

• Geologi og kartleggingsmetodar (2 stp.)
• Brønnplanlegging (3 stp.)
• Materiallære og vedlikehald (3 stp.)
• Logistikk (1 stp.)
• Berekraftig utvikling (1 stp.)

Emne: Boring og komplettering

Læringsutbytte

Kunnskap

Studenten

• har kunnskap om omgrep, teoriar, fysiske forhold, verktøy og utstyr som har betyding for optimal og sikker brønnbygging
• har kunnskap om utstyr som blir brukt i alle fasar under boring
• har kunnskap om boremetodar, boreproblem og boreparametrar som er viktige når ein skal gjennomføre ein sikker og effektiv boreoperasjon
• har kunnskap om utstyr og metodar som blir nytta for å komplettere ulike brønnar
• har kunnskap om funksjonane, eigenskapane og samansetjinga til ulike brønnvæsker og om laboratorietesting av slike
• har kunnskap om trykkforholda i ein brønn og trykkontrollutstyr som blir brukt i samband med bore- og brønnoperasjonar
• har kunnskap om ulike brønndrepingsmetodar
• har kunnskap om korleis arbeidet på ein bore- og brønninstallasjon kan utførast på ein sikker måte
• kan vurdere sitt eige arbeid med omsyn til gjeldande regelverk og standardar
• kan oppdatere den yrkesfaglege kunnskapen sin om brønnbygging
• kjenner til brønnbyggingas historie, utvikling og plass i samfunnet med tanke på boring, komplettering og HMS
• har innsikt i eigne høve til fagleg utvikling

Ferdigheiter

Studenten

• kan nytte fagkunnskap på praktiske og teoretiske problemstillingar knytte til boring og komplettering av ein brønn
• kan gjere greie for val av teknologi, utstyr og væsker for brønnbygging
• kan gjere greie for val av trykkontrollutstyr i samband med bore- og brønnoperasjonar
• kan reflektere over si eiga faglege utøving i samband med brønnbygging og justere denne under rettleiing
• kan finne og vise til informasjon og fagstoff og vurdere relevansen knytt til brønnbygging
• kan kartleggje ei brønnkontrollhending og handtere hendinga i samsvar med gjeldande regelverk og prosedyrar
• kan kartleggje ein situasjon og identifisere faglege problemstillingar i samband med boring og komplettering av ein brønn og kan setje i verk relevante tiltak

Generell kompetanse

Studenten

• kan planleggje og gjennomføre bore- og kompletteringsoperasjonar som deltakar i ei gruppe i tråd med etiske krav og retningslinjer
• kan utføre arbeidet sitt i tråd med behova til oppdragsgivaren og krava frå myndigheitene
• kan byggje relasjonar med fagfellar, operasjonelt personell frå relevante fagdisiplinar og eksterne målgrupper
• kan delta i diskusjonar og utveksle erfaringar med sikte på å utvikle god praksis innanfor brønnbygging
• kan bidra til organisasjonsutvikling ved å planleggje og setje i verk systematiske tiltak
• kan utvikle arbeidsprosedyrar innanfor boring og komplettering av ein brønn

Tema

• Borekunnskap med simulatorøvingar (2 stp.)
• Grunnleggjande trykkontroll (2 stp.)
• Brønnvæsker (2 stp.)
• Komplettering (2 stp.)
• HMS og kvalitet (2 stp.)

Emne: Produksjon og brønnvedlikehald

Læringsutbytte

Kunnskap

Studenten

• har kunnskap om drivverdigheit og val av utbyggingsløysingar for eit felt
• har kunnskap om omgrep, teoriar, fysiske forhold, verktøy og utstyr som har betyding for optimal og sikker produksjon og prosessering av hydrokarbon
• har kunnskap om korleis hydrokarbon er oppbygde og samansette, og korleis dei oppfører seg under ulike fysiske forhold
• har kunnskap om årsaker til og løysingar på ulike reservoar- og brønnrelaterte utfordringar
• har kunnskap om styring og regulering av brønnar og produksjonsutstyr
• har kunnskap om hydraulisk og pneumatisk styring til bruk på havbotns- og plattformsystemer
• har kunnskap om verkemåten til måleutstyr og sensorar som blir nytta i boring, brønn og prosess
• har kunnskap om ulike metodar og ulikt utstyr for brønnvedlikehald
• kan vurdere sitt eige arbeid med omsyn til gjeldande regelverk og standardar
• kan oppdatere den yrkesfaglege kunnskapen sin om produksjon og brønnvedlikehald
• kjenner til oljeproduksjonens historie, utvikling og plass i samfunnet
• har innsikt i eigne høve til fagleg utvikling

Ferdigheiter

Studenten

• kan nytte fagkunnskap på praktiske og teoretiske problemstillingar knytte til produksjon og brønnvedlikehald
• kan gjere greie for val av måleutstyr og sensorar som blir nytta i boring, brønn og prosess
• kan gjere greie for val av metodar for brønnvedlikehald
• kan reflektere over val av styresystem, pådragsorgan og ventilar for havbotns- og plattformløysingar
• kan reflektere over kva konsekvensar brønnintervensjon kan ha på prosessystemet 
• kan finne og vise til informasjon frå utstyrsdokumentasjon og fagstoff og bruke dette i samband med problemløysing og produksjonsoptimalisering
• kan kartleggje moglege produksjonsproblem og vurdere og setje i verk forbetrande tiltak

Generell kompetanse

Studenten

• kan planleggje og gjennomføre produksjonsforbetrande tiltak i samarbeid med andre fagdisiplinar med vekt på sikkerheit og det ytre miljøet
• kan utføre arbeidet sitt i tråd med behova til oppdragsgivaren og krava frå myndigheitene
• kan utvikle arbeidsmetodar og prosedyrar for energieffektiv produksjon og drift og ditto brønnvedlikehald
• kan byggje relasjonar med fagfellar, operasjonelt personell frå relevante fagdisiplinar og eksterne målgrupper
• kan delta i diskusjonar og utveksle erfaringar med sikte på å utvikle god praksis innanfor produksjon og brønnvedlikehald
• kan bidra til organisasjonsutvikling ved å planleggje og setje i verk systematiske tiltak

Tema

• Produksjonsteknikk (3 stp.)
• Reguleringssystem (2 stp.)
• Hydraulikk (3 stp.)
• Brønnvedlikehald (2 stp.)

Emne: Havbotnutstyr og kontrollsystem

Læringsutbytte

Kunnskap

Studenten

• har kunnskap om havbotnstrukturar og utstyr 
• har kunnskap om manifoldar, røyrsystem og samankoplingsrøyr (jumpers) 
• har kunnskap om brønnhovud på havbotnen 
• har kunnskap om ulike typar våte ventiltre 
• har kunnskap om navlestreng-/umbilical-system 
• har kunnskap om produksjonsstigerøyr
• har kunnskap om feltutvikling på havbotnen 
• har kunnskap om barrierefilosofi knytt til havbotnutstyr og kontrollsystem 
• har kunnskap kontrollkablar 
• har kunnskap om kontroll- og distribueringssystem for havbotnutstyr 
• har kunnskap om forskjellige typar brønnhovudsystem og designkriterium 
• har kunnskap om kva brønnhovudverktøy som skal nyttast i dei forskjellige brønnhovudsystema
• har kunnskap om materialval ved design av brønnhovudsystem
• kan vurdere sitt eige havbotnfaglege arbeid ut frå myndigheitskrav, NORSOK-standard, gjeldande lovverk og selskapsinterne prosedyrar i lys av operasjonell sikkerheit og effektivitet
• kan oppdatere seg på ny teknologi og nye løysingar med relevans for havbotninstallasjonar
• kjenner til havbotnbransjens historiske utvikling, tradisjonar, eigenart og plass i samfunnet
• har innsikt i eigne høve til fagleg oppdatering og karriereutviklinginnanfor havbotnutstyr og kontrollsystem

Ferdigheiter

Studenten

• kan gjere greie for val av type havbotnutstyr 
• kan gjere greie for val av kontrollsystem og kablar 
• kan gjere greie for val av brønnhovudsystem 
• kan gjere greie for val av feltutbyggingsdesign 
• kan gjere greie for ulike typar kontrollsystem topside, inkludert oppbygging og verkemåte 
• kan gjere greie for ulike typar kontrollsystem subsea, navlestreng og Subsea Control Module (SCM), inkludert oppbygging og verkemåte
• kan gjere greie for viktige faktorar ved val av type brønnhovudsystem 
• kan gjere greie for eit generelt oppsett av brønnhovudverktøy og bruk og verkemåte 
• kan reflektere over si eiga faglege utøving i samband med arbeid på havbotnmontert utstyr og justere denne under rettleiing 
• kan finne og vise til informasjon og fagstoff om havbotnutstyr og kontrollsystem og vurdere relevansen for ei yrkesfagleg problemstilling
• kan kartleggje ein operasjonell situasjon knytt til havbotnmontert utstyr og identifisere problemstillingar med fokus på brønnintegritet, barrierekontroll og behov for å setje i verk korrektive tiltak
• kan kartleggje ei uføresett hending og ved hjelp av feilsøking finne alternative løysingar

Generell kompetanse

Studenten

• kan planleggje og gjennomføre arbeid på havbotnmontert utstyr, kontrollsystem og kontrollkablar åleine eller i gruppe og i tråd med gjeldande retningslinjer og praksis 
• kan utføre arbeidet etter spesifikasjonar og krav frå operatørar og leverandørar 
• kan byggje relasjonar med fagfellar på tvers av fagfelt og med fagforeiningar, interesseorganisasjonar og offentleg tilsynsmyndigheit 
• kan utveksle synspunkt med andre med bakgrunn frå havbotnutstyr og kontrollsystem og delta i diskusjonar om utvikling av god og sikker praksis og alternative løysingar 
• kan bidra til organisasjonsutvikling innanfor havbotnutstyr og kontrollsystem gjennom proaktiv rapportering i avvikssystem 

Tema

• Havbotnutstyr (4 stp.)
• Kontrollsystem og kablar (4 stp.)
• Brønnhovud (2 stp.)

Emne: Havbotnkomplettering og intervensjon

Læringsutbytte

Kunnskap

Studenten

• har kunnskap om verktøy, system og installasjonsprosessar som blir nytta ved havbotnskomplettering og oppkopling av havbotnsystem 
• har kunnskap om intervensjon på havbotnsystem 
• har kunnskap om barrierefilosofi i alle fasar av subsea-komplettering og subsea-intervensjon med fokus på lekkasjeproblematikk, sikkerheit og utslepp til sjø 
• har kunnskap om ulike inntrekkings- og koplingssystem som blir nytta subsea 
• har kunnskap om marine operasjonar og verktøy (ROV) som blir nytta på havbotninstallasjonar 
• har kunnskap om subsea-surveying / kartlegging av botnforhold 
• har kunnskap om ulike typar installasjonsfartøy 
• har kunnskap om intervensjon på havbotnbrønnar 
• kan vurdere sitt eige arbeid med omsyn til gjeldande regelverk
• har kjennskap til ulike havbotnkompletterings- og intervensjonsselskap 
• kan oppdatere kunnskapen sin innanfor havbotnkomplettering og intervensjon 
• kjenner til den historiske utviklinga av havbotnkomplettering, intervensjon og marine operasjonar 
• har innsikt i eigne høve til fagleg oppdatering og karriereutvikling innanfor havbotnkomplettering, intervensjon og marine operasjonar 

Ferdigheiter

Studenten

• kan gjere greie for val av kompletteringsløysing og intervensjon på havbotnsystem 
• kan gjere greie for val av verktøysystem som blir nytta under installasjon 
• kan gjere greie for val av tie-in-løysingar på ulike havbotnsystem 
• kan gjere greie for testing av installert utstyr på havbotnsystem 
• kan gjere greie for funksjonen, oppbygginga og verkemåten til ulike inntrekkings- og koplingssystem og grunngi val av verktøy ved komponentbyte 
• kan gjere greie for val av ROV-verktøy for havbotnkomplettering og intervensjonsarbeid 
• kan reflektere over si eiga faglege utøving og justere denne basert på leverandørens gjeldande prosedyreverk, innretningsspesifikke løysingar og arbeidsprogrammet til operatøren 
• kan finne og vise til informasjon og fagstoff og vurdere relevansen for ei yrkesfagleg problemstilling 
• kan kartleggje ein operasjonell situasjon knytt til installert havbotnutstyr og identifisere problemstillingar, både havbotnfaglege og operasjonsfaglege, med fokus på brønnintegritet, barrierekontroll og behov for å setje i verk korrektive tiltak 
• kan kartleggje ei uføresett hending og ved hjelp av feilsøking finne alternative løysingar

Generell kompetanse

Studenten

• kan planleggje og gjennomføre havbotnkomplettering og intervenere i samsvar med program, åleine eller saman med arbeidsgruppa, i tråd med gjeldande krav og retningslinjer 
• kan utføre arbeidet etter spesifikasjonar og krav frå operatørar og leverandørar 
• kan byggje relasjonar med fagfellar på tvers av fagfelt og med fagforeiningar, interesseorganisasjonar og offentleg tilsynsmyndigheit 
• kan utveksle synspunkt med andre med bakgrunn frå havbotnkomplettering og intervensjon og delta i diskusjonar om utvikling av god og sikker praksis og alternative løysingar 
• kan bidra til organisasjonsutvikling innanfor havbotnkomplettering og intervensjon gjennom fokus på proaktiv rapportering i avvikssystem 

Tema

• Havbotnkomplettering (4 stp.)
• Havbotnintervensjon (3 stp.)
• Marine operasjonar (3 stp.)

Emne: Trykkontroll og hydraulikk

Læringsutbytte

Kunnskap

Studenten

• har kunnskap om teoriar, fysiske forhold, verktøy og utstyr som har betyding for brønnintegritet og brønnkontroll
• har kunnskap om leiing under ei trykkontrollhending
• har kunnskap om trykk i brønnar i alle fasar av levetida til brønnen
• har kunnskap om korleis ein kan reetablere brønnkontroll
• har kunnskap om berekningar både før, under og etter ein situasjon med innstrøyming eller andre kritiske brønnsituasjonar
• har kunnskap om funksjonen og verkemåten til det trykkontrollutstyret som til kvar tid er i bruk
• har kunnskap om hydrauliske og pneumatiske komponentar og system som til kvar tid er i bruk under boring og bygging av ein brønn
• har innsikt i regelverk, standardar, avtalar og krav til kvalitet i samband med arbeid med trykkontroll og hydraulikk
• kan vurdere sitt eige arbeid i samband med trykkontroll og hydraulikk ut frå normer og krav
• kan vurdere dei etiske, juridiske og økonomiske konsekvensane ved ei brønnkontrollhending
• har bransjekunnskap og kjennskap til yrkesfeltet innanfor boring og brønn
• kan oppdatere seg om trykkontroll og hydraulikk i samsvar med regelverk og standardar
• kjenner til den historiske utviklinga innanfor brønnkontroll og tilhøyrande utstyr med erfaringar frå tidlegare storulykker
• har innsikt i kva utviklingsmoglegheiter sertifiseringar i trykkontroll og hydraulikk gir
• forstår kva brønnintegritet og brønnkontroll har å seie for å unngå hendingar som kan skade det ytre miljøet 

Ferdigheiter

Studenten

• kan gjere greie for faglege val av løysingar, utstyr og væsker for brønnintegritet og brønnkontroll
• kan gjere greie for val av rett drepemetode
• kan gjere greie for val av HMS-tiltak og barrierefilosofi i alle fasane til brønnen
• kan reflektere over si eiga faglege utøving under trykkontrollrelaterte situasjonar i ein brønn og justere denne under rettleiing
• kan finne og vise til informasjon og fagstoff om trykkontroll og pneumatiske og hydrauliske system og vurdere relevansen for ei yrkesfagleg problemstilling
• kan kartleggje ein brønnkontrollsituasjon og identifisere faglege problemstillingar og behov for å setje i verk tiltak, til dømes å setje i gang ein drepeoperasjon etter ei trykkontrollhending

Generell kompetanse

Studenten

• kan planleggje og gjennomføre drepeoperasjonar i samsvar med program som deltakar i ei gruppe og i tråd med etiske krav og retningslinjer
• kan utføre arbeidet etter operatørens behov, krav frå myndigheitene og regelverk og standardar som varetek miljø, personell og materiell
• kan byggje relasjonar og utveksle synspunkt med fagfellar og på tvers av fag som er involverte i trykkontrolloperasjonar, med sikte på å utvikle god praksis
• kan utveksle synspunkt med andre med bakgrunn frå bore- og brønnbransjen og delta i diskusjonar om utvikling av effektiv og sikker praksis
• kan bidra til organisasjonsutvikling ved hjelp av rapporteringssystem
• kan utvikle arbeidsmetodar, detaljplanar og prosedyrar som er relevante for den aktuelle operasjonen, for å oppnå kontinuerleg forbetring

Tema

• HMS med barrierefilosofi (3 stp.)
• Fordjuping: trykkontroll med simulatorøvingar (8 stp.)
• Fordjuping: hydraulikk og pneumatikk (4 stp.)

Emne: Lokal tilpassing

Skulen skal opprette eit lokalt emne eller ei kvalifiserande spesialisering som skal gi studenten fagleg breidd og/eller bidra til fagleg fordjuping.

Læringsutbytte

• Tilbydaren beskriv kunnskap i samsvar med NKR.

Emne: Hovudprosjekt

Læringsutbytte

Kunnskap

Studenten

• har kunnskap om korleis ein skriv ein prosjektrapport
• har særskild kunnskap om eit sjølvvalt tema med ei problemstilling innanfor fordjupinga
• har kunnskap om korleis ein innhentar informasjon om temaet for eit hovudprosjekt
• har kunnskap om samanhengen mellom teori og praksis
• kan vurdere sitt eige prosjekt med omsyn til gjeldande regelverk og standardar
• kjenner til bransjen/yrka som er knytte til temaet i hovudprosjektet

Ferdigheiter

Studenten

• kan gjere greie for val av tema for hovudprosjektet
• kan identifisere, kartleggje og vurdere ei fagleg problemstilling
• kan delta i teamarbeid, planleggje, kommunisere og presentere prosjektarbeid og resultat
• kan skrive ein rapport om eit prosjekt
• kan drøfte samanhengen mellom teori og praksis
• kan reflektere over sitt eige prosjekt og justere dette under rettleiing frå fagfolk
• kan finne og vise til informasjon og fagstoff for å vurdere kor relevant ei problemstilling er i eit prosjekt

Generell kompetanse

Studenten

• kan planleggje og gjennomføre eit prosjektarbeid åleine og som deltakar i ei gruppe i tråd med formelle og etiske krav og retningslinjer
• har utvikla eit medvit rundt prosjektarbeid og kan fordjupe seg i temaet som dannar grunnlag for prosjektet, og tenkje kreativt og nyskapande
• kan utføre eit prosjektarbeid i tråd med behova til bedrifta eller arbeidsgivaren
• kan utveksle synspunkt med andre i gruppa eller bedrifta og delta i diskusjonar om utviklinga av eit prosjekt