Arbeid med rus- og avhengnadslidingar

Det innleiande emnet er felles for helsefaglege fagskuleutdanningar. Formålet med emnet er å gi studentane ei god innføring i grunnleggjande forståing av fagfeltet og yrkesutøvinga. Studentane får innføring i studieteknikk og oppgåveskriving på høgare yrkesfagleg nivå. Emnet legg vekt på kommunikasjonsverktøy, relasjonskompetanse og konflikthandtering. Etikken blir framstilt som sentral og er gjennomgåande i heile emnet.

Læringsutbytte

Kunnskap

Studenten

• har kunnskap om yrkes- og bransjeetiske prinsipp og dilemma, relevante teoriar og arbeidsmåtar og etisk refleksjon som verktøy
• har kunnskap om mangfald, migrasjonshelse, ulike kulturar og urfolk og kan nytte denne kunnskapen i møte med tenestemottakarar og samarbeidspartnarar
• har kunnskap om gruppeprosessar, kriseteori og konflikthandtering
• har innsikt i relevant lovverk og offentlege dokument som regulerer fagfeltet, brukarmedverknad og organisering av tilbod i sektoren
• har bransjekunnskap og kjennskap til grunnleggjande sosialpsykologiske prinsipp og korleis dei kan påverke enkeltindividet, familien og det sosiale nettverket deira
• kan oppdatere den yrkesfaglege kunnskapen sin om teknologiske løysingar og korleis desse kan påverke samhandlinga med tenestemottakaren, dei pårørande og samarbeidspartnarar
• forstår kor viktig det er med kompetanse om relasjonsbygging, kommunikasjon og samhandling i eige yrke, både i møte med sårbare personar og i eit samfunns- og verdiskapingsperspektiv

Ferdigheiter

Studenten

• kan nytte fagleg kunnskap om yrkes- og bransjeetiske prinsipp og dilemma som grunnlag for refleksjon over teoretiske og praktiske problemstillingar
• kan nytte fagleg kunnskap om teknologiske løysingar til å løyse praktiske og teoretiske problemstillingar på ein forsvarleg og etisk bevisst måte
• kan nytte teknikkar innanfor relasjonsbygging, kommunikasjon og samhandling og andre faglege verktøy som er relevante for yrkesutøvinga
• kan finne relevant informasjon og fagstoff og dessutan lovverk, forskrifter og stortingsmeldingar som er relevante for yrkesutøvinga
• kan kartleggje ein situasjon og identifisere faglege problemstillingar og behov for tiltak knytte til mangfald og migrasjonshelse og i møte med ulike kulturar og urfolk

Generell kompetanse

Studenten

• har forståing for yrkes- og bransjeetiske prinsipp og dilemma og for korleis dei kan påverke samhandlinga mellom tenesteytaren og tenestemottakaren
• har utvikla ei etisk grunnhaldning i yrkesutøvinga som kjem til uttrykk gjennom refleksjon over eiga yrkesutøving og gjennom kommunikasjon og samhandling med tenestemottakarar og samarbeidspartnarar
• kan utføre arbeidet sitt på ein lovmessig, fagleg og etisk forsvarleg måte ut frå tenestemottakarane sine behov, med fokus på å fremje eit heilskapleg menneskesyn
• kan byggje relasjonar med fagfellar, tenestemottakarar og samarbeidspartnarar basert på haldningar og verdiar knytte til eit heilskapleg menneskesyn, likeverd og respekt
• kan utvikle arbeidsmetodar, produkt og/eller tenester som baserer seg på behova og utfordringane til tenestemottakaren, og som har relevans for yrkesutøvinga

Tema

1a. Etikk

• Etiske teoriar og prinsipp
• Etiske dilemma
• Etikk og teknologi
• Heilskapleg menneskesyn

1b. Samhandling og kommunikasjon

• Brukarperspektivet
• Relasjonskompetanse og relasjonsbygging
• Kommunikasjon i samhandling med tenestemottakar og samarbeidspartnarar
• Gruppeprosess og konflikthandtering

1c. Lover og forskrifter

• Lover, forskrifter og offentlege dokument som er relevante for studentane på utdanninga og for tenestemottakarane

1d. Sosiologi og psykologi

• Utviklingspsykologi
• Sosiale roller
• Migrasjonshelse, kultur, mangfald og urfolk

Emnet skal gi ei innføring i arbeidet med rus- og avhengnadslidingar, i organiseringa av helse- og omsorgstenester og dessutan i aktuelt lovverk som regulerer det helsefremjande, førebyggjande og behandlande arbeidet.

Læringsutbytte

Kunnskap

Studenten

• har kunnskap om omgrep, prosessar og verktøy som blir brukte ved tverrfagleg samarbeid innanfor rus- og avhengnadslidingar i eit helsefremjande og førebyggjande perspektiv
• har innsikt i lovverk og aktuelle retningslinjer som regulerer helse- og omsorgssektoren sitt arbeid med rus- og avhengnadslidingar
• har bransjekunnskap og kjennskap til rusbehandling og avhengnadslidingar i eit historisk og heilskapleg perspektiv, og til gjeldande organisering av tenestetilbodet for brukargruppa
• har bransjekunnskap og kjennskap til brukarinvolvering, brukarmedverknads- og likemannsperspektivet og aktuelle brukarorganisasjonar
• kan oppdatere den yrkesfaglege kunnskapen sin om aktuell behandlingstenking og forsking innanfor rus- og avhengnadslidingar
• forstår kva eigen bransje har å seie i arbeidet med å betre levekåra og redusere dei psykososiale risikofaktorane som kan forårsake rus- og avhengnadslidingar og føre til marginalisering og stigmatisering i samfunnet

Ferdigheiter

Studenten

• kan nytte fagleg kunnskap om lovverk, retningslinjer og nasjonale tilrådingar i møte med tenestemottakarar og i tverrfagleg samarbeid
• kan nytte relevante faglege verktøy og teknikkar for å formidle kunnskap om brukarretta og erfaringsbaserte tiltak i møte med personar med rus- og avhengnadslidingar og deira pårørande og ved tverrfagleg samarbeid
• kan finne informasjon og fagstoff om aktuelle tema knytte til rus og avhengnad i eit helsefremjande og førebyggjande perspektiv
• kan kartleggje ein situasjon og identifisere faglege problemstillingar og behov for å setje i verk helsefremjande og førebyggjande tiltak for personar med rus- og avhengnadsproblem og andre utsette grupper i samfunnet

Generell kompetanse

Studenten

• har forståing for yrkes- og bransjeetiske prinsipp som gjeld arbeidet med rusbehandling og personar med rus- og avhengnadslidingar
• har utvikla ei etisk grunnhaldning i yrkesutøvinga og i møte med ulike levekår og psykososiale forhold hos personar med rus- og avhengnadslidingar
• kan utføre arbeidet sitt etter målgruppa sitt behov for ei heilskapleg og koordinert helseteneste som gir helsehjelp og behandling til personar med rus- og avhengnadslidingar
• kan byggje relasjonar både med fagfellar og på tvers av fag og dessutan med eksterne målgrupper i det helsefremjande og førebyggjande arbeidet med rus- og avhengnadslidingar blant barn, unge og utsette grupper
• kan utvikle arbeidsmetodar, produkt og/eller tenester som har relevans for yrkesutøvinga i møte med personar med rus- og avhengnadslidingar

Tema

2a. Rus og avhengnad: utviklingstrekk, oppbygging og planverk

• Rusfaget og rusbehandling
• Avhengnad og skadeleg rusbruk
• Organisering av rus- og avhengnadsfeltet, utviklingstrekk og oppgåver

2b. Helsefremjande og førebyggjande arbeid

• Arbeid med førebyggjande og helsefremjande arbeid på ulike nivå
• Ulike program og tiltak i førebyggjande arbeid blant barn og unge og utsette grupper

2c. Brukarmedverknad i eit helsepolitisk perspektiv

• Likemannsarbeid
• Erfaringskunnskap
• Pårørandearbeid

2d. Aktuelle lover og retningslinjer

• Rettar og føringar i det aktuelle lovverket
• Etiske utfordringar
• Behandling utan samtykke

Emnet omhandlar rus- og avhengnadslidingar, relaterte tilstandar, behandlingsmetodar og tilnærmingar.

Læringsutbytte

Kunnskap

Studenten

• har kunnskap om viktige omgrep og prosessar som kan knytast til samanhengen mellom levekår, oppvekstmiljø og risiko for å utvikle rus- og avhengnadslidingar
• har kunnskap om omgrep, prosessar og faglege verktøy i arbeidet med ulike ROP-lidingar, utvikling av ROP-lidingar og samanhengar mellom rus og psykisk helse
• har innsikt i ulike behandlingsmetodar, planar og nasjonale føringar for oppfølging av personar med rus- og avhengnadslidingar
• har bransjekunnskap og kjennskap til samanhengar mellom somatisk helse og utvikling av rus- og avhengnadslidingar
• har bransjekunnskap og kjennskap til ulike rusmiddel, konsekvensar av bruk og misbruk og symptom på abstinens og forgifting
• kan oppdatere den yrkesfaglege kunnskapen sin om observasjon, kartlegging, vurdering og behandling av rus- og avhengnadslidingar
• forstår kva fagarbeidaren si profesjonelle og rettleiande rolle har å seie i møte med psykososiale og økonomiske problem knytte til rus- og avhengnadslidingar

Ferdigheiter

Studenten

• kan nytte fagleg kunnskap om samanhengen mellom somatisk helse og rus- og avhengnadslidingar i møte med praktiske og teoretiske problemstillingar
• kan nytte relevante faglege verktøy og teknikkar for å følgje opp og behandle personar med rus- og avhengnadslidingar
• kan finne informasjon og fagstoff som er relevant for sosioøkonomiske problemstillingar
• kan kartleggje ein situasjon og identifisere faglege problemstillingar og behov for tiltak ved symptom på rus- og avhengnadslidingar, forgifting, overdose og abstinens

Generell kompetanse

Studenten

• har forståing for yrkes- og bransjeetiske prinsipp i møte med individuelle og samfunnsmessige konsekvensar av rus- og avhengnadslidingar
• har utvikla ei etisk grunnhaldning i yrkesutøvinga og i møte med ulike levekår og psykososiale livsvilkår hos personar med rus- og avhengnadslidingar
• kan utføre førebyggjande, behandlande og oppfølgjande tiltak basert på individuelle behov hos personar med rus- og avhengnadslidingar
• kan byggje relasjonar med fagfellar og på tvers av fag for å samhandle rundt faglege og etiske utfordringar knytte til rus- og avhengnadslidingar
• kan utvikle arbeidsmetodar, produkt og/eller tenester som har relevans for fagarbeidaren si yrkesutøving i møte med rus- og avhengnadslidingar, somatiske følgjetilstandar og sosioøkonomiske faktorar

Tema

3a. Rus- og avhengnadslidingar

• Avhengnadslidingar
• ROP-lidingar
• Psykisk helse og rus
• Skadeleg bruk, misbruk
• Ulike rusmiddel
• Risikofaktorar og beskyttelsesfaktorar
• Samfunnsmessige konsekvensar

3b. Somatiske følgjetilstandar

• Somatiske symptom og lidingar som følgjer av rusbruk
• Forgifting, overdose og abstinens
• Tannhelse
• Ernæring og fysisk aktivitet

3c. Sosioøkonomiske faktorar

• Økonomi og gjeldsproblematikk
• Bustad
• Sosialt nettverk og familie
• Pårørande
• Barn av rusavhengige
• Arbeid og fritidsaktivitetar

Emnet omhandlar rusarbeid, relasjonsarbeid, skadereduksjon og oppfølging av personar med rus- og avhengnadslidingar.

Læringsutbytte

Kunnskap

Studenten

• har kunnskap om omgrep, prosessar og faglege verktøy som blir nytta i relasjonsbygging og samhandling med pårørande, familie og andre i nettverket til personar med rus- og avhengnadslidingar
• har innsikt i rutinar og prosedyrar ved saksbehandling, planlegging og koordinering av helsetenester for personar med rus- og avhengnadslidingar
• har bransjekunnskap og veit kor viktig sjølvhjelpsgrupper og likemannsarbeid er i behandling og oppfølging av personar med rus- og avhengnadslidingar
• har bransjekunnskap og har kjennskap til problematisk spelåtferd og spelavhengnad og til risikofaktorar for å utvikle denne typen avhengnad
• kan oppdatere sin yrkesfaglege kunnskap om skadereduserande tiltak og lågterskeltilbod til personar med rus- og avhengnadslidingar
• forstår kva eiga yrkesrolle har å seie i det tverrfaglege samarbeidet rundt personar med rus- og avhengnadslidingar

Ferdigheiter

Studenten

• kan nytte fagkunnskap både i tverrfagleg samarbeid med fagfellar og i rettleiing av personar med rus- og avhengnadslidingar og deira pårørande
• kan nytte relevante kommunikasjonsverktøy og samtaleteknikkar i samhandling med personar som har rus- og avhengnadslidingar
• kan finne informasjon og fagstoff som er relevant for personar som treng hjelp til å handtere gjeld
• kan kartleggje ein situasjon og identifisere faglege problemstillingar og behov for tiltak ved akutte situasjonar knytte til konfliktar, kriser, skadar, forgifting eller abstinenssymptom
• kan kartleggje ein situasjon og identifisere faglege problemstillingar og behov for tiltak som bidreg til læring, meistring og endring hos personar med rus- og avhengnadslidingar eller med problematisk spelåtferd og spelavhengnad

Generell kompetanse

Studenten

• har forståing for eigne og andres yrkes- og bransjeetiske prinsipp i samarbeidet med andre aktørar i eit behandlings- og ettervernforløp for personar med rus- og avhengnadslidingar
• har utvikla ei etisk grunnhaldning i yrkesutøvinga som kjem til uttrykk i samhandling med pårørande og andre nærståande til personar med rus- og avhengnadslidingar
• kan utføre arbeid med skadereduserande og helsefremjande tiltak etter behov hos personar med rus- og avhengnadslidingar
• kan i samarbeid med kollegaer og i eit terapeutisk miljø utføre miljøterapi og anna miljøarbeid for personar med rus- og avhengnadslidingar
• kan byggje relasjonar og samarbeide både med fagfellar på tvers av seksjonar og etatar og med pårørande og andre nærståande for å gi personar med rus- og avhengnadslidingar eit heilskapleg tenestetilbod og ettervern
• kan utvikle arbeidsmetodar, produkt og/eller tenester som fremjar beste praksis og hevar kompetansen om rus- og avhengnadslidingar på eigen arbeidsplass

Tema

4a. Samhandling og relasjonskompetanse

• Sjølvrefleksjon, etisk medvit og eigenutvikling
• Etablere, gjennomføre og avslutte ein terapeutisk relasjon
• Kommunikasjonsferdigheiter
• Miljøarbeid og miljøterapi

4b. Behandling og oppfølging

• Ettervern
• Skadereduserande tiltak
• Førebyggje skadar og komplikasjonar ved rusbruk
• Tiltak ved forgifting og overdose
• Problematisk spelåtferd
• Konflikthandtering og utfordringar knytte til vald og truslar

4c. Yrkesutøving og arbeidsverktøy

• Yrkesrolle og identitet
• Kunnskapsbasert praksis
• Arbeidskultur, kreativitet, mangfald og endringskompetanse
• Utviklingsarbeid
• Dokumentasjon og IKT
• Velferdsteknologi
• Saksbehandling

4d. Samhandling og koordinering av tenestetilboda

• Aktørar i behandlingsforløpet
• Organisering, rollefordeling og tverrfagleg samarbeid mellom aktørar og tenestenivå/samhandlingsmodellar
• Pakkeforløp
• Individuell plan (IP)
• Organisasjon og leiing
• E-helse

Praksis blir gjennomført som utplassering eller som utviklingsarbeid på eigen arbeidsplass innanfor fagfeltet. Utviklingsarbeid på eigen arbeidsplass består i å førebu, planleggje, gjennomføre og evaluere eit forbetringsarbeid knytt til sentrale tema i utdanninga. Alle studentar i praksis, både dei som er utplasserte, og dei som gjennomfører utviklingsarbeid på eigen arbeidsplass, skal ha rettleiing i praksisperioden. Vurderinga av praksis skal ta utgangspunkt i det overordna læringsutbyttet for utdanninga.

Læringsutbytte

Kunnskap

Studenten

• har kunnskap om omgrep, prosessar og verktøy som blir nytta innanfor helsefremjing, førebygging, behandling og rehabilitering av personar med rus- og avhengnadslidingar
• har bransjekunnskap og kjennskap til faglege verktøy i arbeidet med å kartleggje og dokumentere helsetilstand, ressursar, behov og funksjonsnivå hos personar med rus- og avhengnadslidingar
• har innsikt i lovverk som regulerer helse- og omsorgssektoren, og innsikt i nasjonale tilrådingar og retningslinjer for helsetenester til personar med rus- og avhengnadslidingar
• har bransjekunnskap og kjennskap til organiseringa av den kommunale helse- og omsorgstenesta, spesialisthelsetenesta og andre aktørar og samarbeidspartnarar i ulike behandlingsforløp
• kan oppdatere den yrkesfaglege kunnskapen sin om observasjon, kartlegging, vurdering og behandling av rus- og avhengnadslidingar
• forstår kor viktig det er med ei heilskapleg og koordinert helseteneste som dekkjer befolkninga sine behov i eit samfunns- og verdiskapingsperspektiv

Ferdigheiter

Studenten

• kan nytte fagleg kunnskap om helsefremjande og førebyggjande arbeid i eit folkehelseperspektiv i møte med praktiske og teoretiske problemstillingar
• kan kartleggje situasjonar i møte med personar med rus- og avhengnadslidingar og identifisere faglege, juridiske og etiske problemstillingar og behov for å setje i verk tiltak
• kan nytte faglege verktøy som elektroniske dokumentasjonssystem, kommunikasjonsformer og andre faglege ferdigheiter og teknikkar i samarbeidet med personar med rus- og avhengnadslidingar, pårørande, frivillige, kollegaer og andre yrkesgrupper
• kan finne informasjon og fagstoff som er relevant for problemstillingar knytte til arbeid med personar som har rus- og avhengnadslidingar
• kan kartleggje ein situasjon og identifisere faglege problemstillingar i arbeidet med å førebyggje konfliktar ogidentifisere behov for tiltak anten for enkeltindivid eller for grupper i nære relasjonar

Generell kompetanse

Studenten

• har forståing for yrkes- og bransjeetiske retningslinjer og prinsipp knytte til arbeid med personar med rus- og avhengnadslidingar
• kan utføre arbeid med helsefremjande, førebyggjande, behandlande, rehabiliterande, lindrande og skadereduserande tiltak i samsvar med dei individuelle behova til personar med rus- og avhengnadslidingar
• kan byggje relasjonar med kollegaer og på tvers av fag, avdelingar og etatar i samarbeidet om tenestetilbodet til personar med rus- og avhengnadslidingar
• kan utvikle arbeidsmetodar, produkt og/eller tenester som er relevantenår fagarbeidaren skal utøve yrket sitt i møte med personar med rus- og avhengnadslidingar

Studenten skal skrive ei fordjupingsoppgåve om eit sjølvvalt tema og ei sjølvvald problemstilling og med utgangspunkt i det overordna læringsutbyttet for utdanninga. Studenten skal vise evne til å bruke relevant teori og erfaringar frå si eiga yrkesutøving til å drøfte den aktuelle problemstillinga. Studenten skal ha tilbod om rettleiing under arbeidet med fordjupingsoppgåva.

Læringsutbytte

Kunnskap

Studenten

• har kunnskap om omgrep, prosessar og verktøy som blir nytta innanfor helsefremjing, førebygging, behandling og rehabilitering av personar med rus- og avhengnadslidingar
• har bransjekunnskap og kjennskap til faglege verktøy i arbeidet med å kartleggje og dokumentere helsetilstand, ressursar, behov og funksjonsnivå hos personar med rus- og avhengnadslidingar
• har innsikt i lovverk som regulerer helse- og omsorgssektoren, og i nasjonale tilrådingar og retningslinjer for helsetenester til personar med rus- og avhengnadslidingar
• har bransjekunnskap og kjennskap til organiseringa av den kommunale helse- og omsorgstenesta, spesialisthelsetenesta og andre aktørar og samarbeidspartnarar i ulike behandlingsforløp
• kan oppdatere den yrkesfaglege kunnskapen sin om observasjon, kartlegging, vurdering og behandling av rus- og avhengnadslidingar
• forstår kor viktig det er med ei heilskapleg og koordinert helseteneste som dekkjer befolkninga sine behov i eit samfunns- og verdiskapingsperspektiv

Ferdigheiter

Studenten

• kan nytte fagleg kunnskap om helsefremjande og førebyggjande arbeid i eit folkehelseperspektiv i møte med praktiske og teoretiske problemstillingar
• kan kartleggje situasjonar i møte med personar som har rus- og avhengnadslidingar, og identifisere faglege, juridiske og etiske problemstillingar og behov for å setje i verk tiltak
• kan nytte faglege verktøy som elektroniske dokumentasjonssystem, kommunikasjonsformer og andre faglege ferdigheiter og teknikkar i samarbeidet med personar med rus- og avhengnadslidingar, pårørande, frivillige, kollegaer og andre yrkesgrupper
• kan finne informasjon og fagstoff som er relevant for problemstillingar knytte til arbeid med personar med rus- og avhengnadslidingar
• kan kartleggje ein situasjon og identifisere faglege problemstillingar i arbeidet med å førebyggje konfliktar ogidentifisere behov for tiltak anten for enkeltindivid eller for grupper i nære relasjonar

Generell kompetanse

Studenten

• har forståing for yrkes- og bransjeetiske retningslinjer og prinsipp knytte til arbeid med personar med rus- og avhengnadslidingar
• kan utføre arbeid med helsefremjande, førebyggjande, behandlande, rehabiliterande, lindrande og skadereduserande tiltak i samsvar med dei individuelle behova til personar med rus- og avhengnadslidingar
• kan byggje relasjonar med kollegaer og på tvers av fag, avdelingar og etatar i samarbeidet om tenestetilbodet til personar med rus- og avhengnadslidingar
• kan utvikle arbeidsmetodar, produkt og/eller tenester som er relevante når fagarbeidaren skal utøve yrket sitt i møte med personar med rus- og avhengnadslidingar