​​Boring​

Realfagleg reiskap

Læringsutbytte

Kunnskap

Studenten

• har kunnskap om realfag som reiskap innanfor fagområdet sitt
• har kunnskap om realfaglege omgrep, teoriar, analysar, strategiar, prosessar og verktøy som blir nytta
• kan utføre berekningar, overslag og problemløysing med relevans for dimensjonering og andre problemstillingar innanfor studieretninga
• kan vurdere sitt eige arbeid i samsvar med matematiske og fysiske lover
• kan utvide kunnskapen sin og har innsikt i eigne høve til utvikling innanfor realfag
• kjenner til matematikkens og fysikkens eigenart og plass i samfunnet

Ferdigheiter

Studenten

• kan gjere greie for val av reknemetoden som blir brukt til å løyse faglege problem
• kan gjere greie for val av digitale verktøy som blir brukte til problemløysing innanfor realfaglege tema
• kan nytte digitale hjelpemiddel til å løyse likningar og andre matematiske oppgåver
• kan vurdere resultat av berekningar og reflektere over si eiga faglege utøving og justere denne under rettleiing
• kan finne og vise til relevant informasjon og fagstoff i formelsamlingar, tabellar og fagbøker
• kan kartleggje ein situasjon og identifisere realfaglege problemstillingar
• har kjennskap til og kan nytte grunnleggjande fysiske lover og fysikkens metodikk
• kan tolke og bruke modellar som blir nytta innanfor matematikk og fysikk

Generell kompetanse

Studenten

• kan planleggje og gjennomføre yrkesretta arbeidsoppgåver og prosjekt åleine og som deltakar i ei gruppe ved å nytte realfag i tråd med etiske krav, retningslinjer og målgruppa sine behova
• har innsikt i kva føresetnader og forenklingar hen har gjort i berekningane sine
• har innsikt i rekkjevidda og avgrensingane til metodane som blir brukte
• kan utveksle synspunkt og samarbeide med fagfellar om fagspesifikke problemstillingar med realfag som tverrfagleg fundament, og dermed bidra til organisasjonsutvikling

Kommunikasjon

Læringsutbytte

Kunnskap

Studenten

• har kunnskap om grunnleggjande kommunikasjonsteori
• kjenner til kva kulturell identitet har å seie for samarbeid og kommunikasjon på arbeidsplassen
• har kunnskap om engelske faguttrykk som blir brukte innanfor eige fagområde
• har kunnskap om sentrale retoriske omgrep og verkemiddel
• har kunnskap om kjeldebruk etter standard for høgare utdanning
• kjenner til vanlege digitale verktøy for kjeldetilvising, dokumentasjon, tekstproduksjon, deling, presentasjon og møte
• har kjennskap til prinsipp for tekstorganisering og produksjon
• har kunnskap om kva som kjenneteiknar ei problemstilling, og korleis ein kan svare på henne

Ferdigheiter

Studenten

• kan reflektere over møte mellom forskjellige arbeidslivskulturar
• kan bruke relevante omgrep for å analysere sin eigen og andres tekst
• kan reflektere over og revidere tekstar
• kan reflektere over korleis retorikk blir nytta
• kan byggje opp sakleg argumentasjon og bruke retoriske appellformer
• kan innhente informasjon frå ulike kjelder og bruke han kritisk, formålstenleg og etterretteleg
• kan reflektere over eigen kommunikasjon i profesjonell samanheng
• kan produsere tekstar der form og innhald er tilpassa situasjonen, målet og mottakaren
• kan bruke digitale kommunikasjonsverktøy i ein profesjonell samanheng
• kan uttrykkje seg med nyansert ordval, variert setningsstruktur og tekstbinding
• kan planleggje, strukturere og gjennomføre møte og presentasjonar

Generell kompetanse

Studenten

• kan kommunisere formålstenleg for å bidra til ein inkluderande organisasjonskultur
• kan tilpasse språk og argumentasjon etter mål og mottakar
• kan produsere tekstar med korrekt rettskriving, grammatikk og teiknsetjing
• meistrar relevante kommunikasjonsverktøy
• kan kommunisere gjennom relevante tekstar og kanalar
• kan samarbeide om tekstproduksjon

Leiing, økonomi og marknadsføring (LØM)

Læringsutbytte

Kunnskap

Studenten

• har kunnskap om sentrale omgrep innanfor økonomi, organisasjon og marknadsføring knytte til føretaksleiing
• har kunnskap om lønnskostnader
• har kunnskap om mål, tiltak og handlingsplanar
• kjenner til aktuelle lover og avtalar innanfor emnet

Ferdigheiter

Studenten

• kan kartleggje eksterne og interne arbeidsvilkår og utarbeide situasjonsanalysar
• kan gjere greie for den økonomiske statusen i bedrifta ved å hente ut økonomiske data frå rekneskapen og bruke dei i analysar og kalkylar
• kan vurdere betalingsevna og kapitalbehovet til bedrifta
• kan planleggje økonomiske milepælar ved å utarbeide budsjett og gjere greie for økonomisk måloppnåing ved å vurdere eventuelle avvik
• kan gjennomføre ein investeringsanalyse og reflektere over lønnsemda i ei mogleg framtidig investering
• kan bruke rekneark i arbeidet med rekneskap, budsjett, analysar og kalkylar
• kan gjere ei heilskapleg prisvurdering og utarbeide kalkylar
• kan vurdere organisasjonsstrukturen og kulturen og arbeidsmiljøet for å vidareutvikle verksemda
• kan kommunisere med, leie og motivere personalet på måtar som fremjar effektivitet og trivsel
• kan identifisere, analysere og utvikle kompetansen til medarbeidarane
• kan planleggje og gjennomføre gode rekrutteringsprosessar, frå behovsanalyse til introduksjon
• kan gjere greie for kjøpsprosessen i ulike marknader og vurdere kunden si kjøpsåtferd i desse
• kan vurdere val av marknadskommunikasjonstiltak i aktuelle medium og tilpasse bodskap til utvalde målgrupper i dei aktuelle media
• kan vurdere kva produkt bedrifta bør satse på, i kva marknader satsinga bør skje, og kva distribusjonskanalar ein bør nytte
• kan vurdere val av verksemds- og marknadsstrategi

Generell kompetanse

Studenten

• kan innanfor gitte tidsfristar, åleine og i samarbeid med andre, planleggje, gjennomføre, dokumentere og levere arbeidsoppgåver og prosjekt
• kan etablere, utvikle og leie ein organisasjon på måtar som fremjar både effektivitet, arbeidsmiljø, berekraft og samfunnsansvar
• har digital kompetanse til å søkje kunnskap og informasjon og kan tolke og bruke informasjonen i det vidare arbeidet
• kan kommunisere internt og eksternt og nytte digitale verktøy til dette
• kan utarbeide relevante faglege dokument som til dømes pristilbod, tiltaks-/handlingsplanar, arbeidsavtalar, møteinnkallingar med saksframlegg, forretningsplanar og marknadsplanar
• kan reflektere over samfunnsutviklinga og relatere utviklinga til bedrifta sin situasjon

Emne: Leiting og brønnplanlegging

10 studiepoeng

Tema:

• Geologi og kartleggingsmetodar (2 stp.)
• Brønnplanlegging (3 stp.)
• Materiallære og vedlikehald (3 stp.)
• Logistikk (1 stp.)
• Berekraftig utvikling (1 stp.)Geologi og kartleggingsmetodar (2 stp.)
• Brønnplanlegging (3 stp.)
• Materiallære og vedlikehald (3 stp.)
• Logistikk (1 stp.)
• Berekraftig utvikling (1 stp.)

Læringsutbytte 

Kunnskap

Studenten

• har kunnskap om kva forhold som påverkar planlegginga av ein brønn i alle fasar, basert på kartlegging av reservoaret og dei geologiske forholda
• har kunnskap om ulike materiale og vedlikehald av innretningar og utstyr
• har kunnskap om logistikksystem og forsyningskjeder
• har kunnskap om digitale verktøy for brønnplanlegging, logistikk og vedlikehald av innretningar og utstyr
• har kunnskap om berekraftig utvikling, mellom anna med omsyn til klima, miljø, økonomi og sosiale forhold knytte til energisektoren
• kan vurdere sitt eige arbeid med omsyn til gjeldande regelverk og standardar
• kan oppdatere den yrkesfaglege kunnskapen sin om brønnplanlegging i eit berekraftig perspektiv
• kjenner til bransjens historie, eigenart og plass i samfunnet sett i samanheng med kartlegging, leiteaktivitet og feltutbygging
• har innsikt i eigne høve til fagleg utvikling

Ferdigheiter

Studenten

• kan nytte fagkunnskap på praktiske og teoretiske problemstillingar knytte til leiting og brønnplanlegging
• kan nytte digitale verktøy for brønnplanlegging, logistikk og vedlikehald av innretningar og utstyr
• kan gjere greie for val av berekraftige løysingar og materiale i samband med bygging av brønnar og med omsyn til krav som blir stilte til sikker drift og vedlikehald
• kan reflektere over si eiga faglege utøving i samband med brønnplanlegging og justere denne under rettleiing
• kan finne og vise til informasjon og fagstoff og vurdere relevansen knytt til leiting og brønnplanlegging
• kan kartleggje ein situasjon under planlegginga av ein brønn og identifisere faglege problemstillingar og behov for å setje i verk tiltak

Generell kompetanse

Studenten

• kan planleggje ein brønn som deltakar i ei gruppe og i tråd med etiske krav og retningslinjer
• kan gjennomføre vedlikehald av innretningar og utstyr åleine og som deltakar i ei gruppe og i tråd med etiske krav og retningslinjer
• kan utføre arbeidet sitt i tråd med behova til oppdragsgivaren og krava frå myndigheitene
• kan byggje relasjonar med fagfellar og med personell frå relevante fagdisiplinar
• kan delta i diskusjonar og utveksle erfaringar med sikte på å utvikle god praksis innanfor leiting og brønnplanlegging
• kan bidra til organisasjonsutvikling ved å planleggje og setje i verk systematiske tiltak
• kan utvikle arbeidsprosedyrar innanfor brønnplanlegging og vedlikehald av innretningar og utstyr

Emne: Boring og komplettering

10 studiepoeng

Tema:

• Borekunnskap med simulatorøving (2 stp.)
• Komplettering (2 stp.)
• Brønnvæsker (2 stp.)
• Grunnleggjande trykkontroll (2 stp.)
• HMS og kvalitet (2 stp.)

Læringsutbytte

Kunnskap

Studenten

• har kunnskap om omgrep, teoriar, fysiske forhold, verktøy og utstyr som har betyding for optimal og sikker brønnbygging
• har kunnskap om utstyr som blir brukt i alle fasar under boring
• har kunnskap om boremetodar, boreproblem og boreparametrar som er viktige når ein skal gjennomføre ein sikker og effektiv boreoperasjon
• har kunnskap om utstyr og metodar som blir nytta for å komplettere ulike brønnar
• har kunnskap om funksjonane, eigenskapane og samansetjinga til ulike brønnvæsker og om laboratorietesting av slike væsker
• har kunnskap om trykkforholda i ein brønn og trykkontrollutstyr som blir brukt i samband med bore- og brønnoperasjonar
• har kunnskap om ulike brønndrepingsmetodar
• har kunnskap om korleis arbeidet på ein bore- og brønninstallasjon kan utførast på ein sikker måte
• kan vurdere sitt eige arbeid med omsyn til gjeldande regelverk og standardar
• kan oppdatere den yrkesfaglege kunnskapen sin om brønnbygging
• kjenner til brønnbyggingas historie, utvikling og plass i samfunnet med tanke på boring, komplettering og HMS
• har innsikt i eigne høve til fagleg utvikling

Ferdigheiter

Studenten

• kan nytte fagkunnskap på praktiske og teoretiske problemstillingar knytte til boring og komplettering av ein brønn
• kan gjere greie for val av teknologi, utstyr og væsker for brønnbygging
• kan gjere greie for val av trykkontrollutstyr i samband med bore- og brønnoperasjonar
• kan reflektere over si eiga faglege utøving i samband med brønnbygging og justere denne under rettleiing
• kan finne og vise til informasjon og fagstoff og vurdere relevansen knytt til brønnbygging
• kan kartleggje ei brønnkontrollhending og handtere hendinga i samsvar med gjeldande regelverk og prosedyrar
• kan kartleggje ein situasjon og identifisere faglege problemstillingar i samband med boring og komplettering av ein brønn og kan setje i verk relevante tiltak

Generell kompetanse

Studenten

• kan planleggje og gjennomføre bore- og kompletteringsoperasjonar som deltakar i ei gruppe i tråd med etiske krav og retningslinjer
• kan utføre arbeidet sitt i tråd med behova til oppdragsgivaren og krava frå myndigheitene
• kan byggje relasjonar med fagfellar, personell frå relevante fagdisiplinar og eksterne målgrupper
• kan delta i diskusjonar og utveksle erfaringar med sikte på å utvikle god praksis innanfor brønnbygging
• kan bidra til organisasjonsutvikling ved å planleggje og setje i verk systematiske tiltak
• kan utvikle arbeidsprosedyrar innanfor boring og komplettering av ein brønn

Emne: Produksjon og brønnvedlikehald

10 studiepoeng

Tema:

• Produksjonsteknikk (3 stp.)
• Reguleringssystem (2 stp.)
• Hydraulikk (3 stp.)
• Brønnvedlikehald (2 stp.)

Læringsutbytte

Kunnskap

Studenten

• har kunnskap om drivverdigheit og val av utbyggingsløysingar for eit felt
• har kunnskap om omgrep, teoriar, fysiske forhold, verktøy og utstyr som har betyding for optimal og sikker produksjon og prosessering av hydrokarbon
• har kunnskap om korleis hydrokarbon er oppbygde og samansette, og korleis dei oppfører seg under ulike fysiske forhold
• har kunnskap om årsaker til og løysingar på ulike reservoar- og brønnrelaterte utfordringar
• har kunnskap om styring og regulering av brønnar og produksjonsutstyr
• har kunnskap om hydraulisk og pneumatisk styring til bruk på havbotns- og plattformsystemer
• har kunnskap om verkemåten til måleutstyr og sensorar som blir nytta i boring, brønn og prosess
• har kunnskap om ulike metodar og utstyr for brønnvedlikehald
• kan vurdere sitt eige arbeid med omsyn til gjeldande regelverk og standardar
• kan oppdatere den yrkesfaglege kunnskapen sin om produksjon og brønnvedlikehald
• kjenner til oljeproduksjonens historie, utvikling og plass i samfunnet
• har innsikt i eigne høve til fagleg utvikling

Ferdigheiter

Studenten

• kan nytte fagkunnskap på praktiske og teoretiske problemstillingar knytte til produksjon og brønnvedlikehald
• kan gjere greie for val av måleutstyr og sensorar som blir nytta i boring, brønn og prosess
• kan gjere greie for val av metodar for brønnvedlikehald
• kan reflektere over val av styresystem, pådragsorgan og ventilar for havbotns- og plattformløysingar
• kan reflektere over kva konsekvensar brønnintervensjon kan ha på prosessystemet 
• kan finne og vise til informasjon frå utstyrsdokumentasjon og fagstoff og bruke dette i samband med problemløysing og produksjonsoptimalisering
• kan kartleggje moglege produksjonsproblem og vurdere og setje i verk forbetrande tiltak

Generell kompetanse

Studenten

• kan planleggje og gjennomføre produksjonsforbetrande tiltak i samarbeid med andre fagdisiplinar med vekt på sikkerheit og det ytre miljøet
• kan utføre arbeidet sitt i tråd med behova til oppdragsgivaren og krava frå myndigheitene
• kan utvikle arbeidsmetodar og prosedyrar for energieffektiv produksjon og ditto brønnvedlikehald
• kan byggje relasjonar med fagfellar, personell frå relevante fagdisiplinar og eksterne målgrupper
• kan delta i diskusjonar og utveksle erfaringar med sikte på å utvikle god praksis innanfor produksjon og brønnvedlikehald
• kan bidra til organisasjonsutvikling ved å planleggje og setje i verk systematiske tiltak

Emne: Boreteknologi

10 studiepoeng

Tema:

• Boreteknologi og leiing med simulatorøvingar (4 stp.)
• Casingdesign (2 stp.)
• Formasjonslogging og evaluering (1 stp.)
• Plug & Abandonment (3 stp.)

Læringsutbytte

Kunnskap

Studenten

• har kunnskap om teoriar, fysiske forhold, verktøy og utstyr som har betyding for effektiv og sikker brønnboring
• har kunnskap om leiing i ein boreoperasjon
• har kunnskap om ulike boremetodar
• har kunnskap om kva som gjer at borestrengen køyrer seg fast, og korleis ein kan frigjere han
• har kunnskap om digitale verktøy innanfor boreteknologi
• har kunnskap om dimensjonering av fôringsrøyr basert på brønnforhold og aktuelle standardar
• har kunnskap om ulike loggeverktøy som blir brukte i brønn- og formasjonsevaluering
• har kunnskap om ulike metodar og verktøy som blir brukte i samband med sikker plugging og forlating av brønnar
• har innsikt i regelverk, standardar, avtalar og krav til kvalitet i samband med boring og forlating av brønnar
• kan vurdere sitt eige arbeid i samband med boring ut frå normer og krav
• har bransjekunnskap og kjennskap til yrkesfeltet innanfor boring
• kan oppdatere seg på boreteknologi og forlating av brønnar med ny teknologi og nye løysingar som er relevante for framtidig praksis
• kjenner til boreteknologiens historiske utvikling, tradisjonar, eigenart og plass i samfunnet
• har innsikt i sine eigne utviklingsmoglegheiter på fagområdet boring
• forstår historia til borebransjen og veit kor viktig bransjen er for verdiskaping, samfunnsutvikling og framtidig energiomstilling

Ferdigheiter

Studenten

• kan bruke berekningar til å gjere greie for belastingar, metodar og brønnbanegeometri som inngår ved boring av ein brønn
• kan gjere greie for fagleg val av fôringsrøyr til ulike forhold og operasjonar
• kan gjere greie for tolking av resultat frå formasjonslogging for å kunne planleggje og bore ein brønn
• kan gjere greie for metodar og krav som gjeld for plugging og forlating av ein brønn
• kan finne og vise til informasjon og fagstoff om bore- og brønnoperasjonar for å finne dei rette kriteria for å byggje, plugge og forlate ein brønn
• kan reflektere over sine eigne faglege val av løysingar i samband med boreoperasjonar og forlating av brønnar og gjere eventuelle endringar basert på rettleiing
• kan kartleggje brønnforhold som kan føre til hòlproblem og ein «stuck pipe»-situasjon, og kan setje i verk nødvendige tiltak for å unngå dette og sørgje for eventuell frigjering

Generell kompetanse

Studenten

• kan planleggje og vere med og gjennomføre boring, bygging, plugging og forlating av ein brønn åleine og som deltakar i ei gruppe og i tråd med dei etiske krava og retningslinjene som varetek miljø, personell og materiell
• kan utføre arbeidet etter operatørensbehov, regelverk og standardar
• kan byggje relasjonar og utveksle synspunkt med fagfellar og på tvers av fag som er involverte i operasjonen, med sikte på å utvikle god praksis
• kan bidra til organisasjonsutvikling ved hjelp av rapporteringssystem
• kan utvikle arbeidsmetodar, detaljplanar og prosedyrar som er relevante for den aktuelle operasjonen, for å oppnå kontinuerleg forbetring

Emne: Brønnvæsker

10 studiepoeng

Tema:

• Bore- og brønnvæsker med laboratorieøvingar (5 stp.)
• Sementering (3 stp.)
• Praktisk HMS innanfor brønnvæsker (2 stp.)

Læringsutbytte

Kunnskap

Studenten

• har kunnskap om teoriar, fysiske forhold, verktøy og utstyr som har betyding for eigenskapane og funksjonen til borevæska og sementen
• har kunnskap om leiing under ein bore- og/eller sementeringsoperasjon
• har kunnskap om ulike typar bore- og brønnvæsker og samansetjinga og bruksområda deira
• har kunnskap om standardtestar på bore- og brønnvæsker
• har kunnskap om sirkulasjonssystemet for bore- og brønnvæsker
• har kunnskap om volum- og vektberekningar for bore- og brønnvæsker
• har kunnskap om miljømessige val av bore- og brønnvæsker
• har kunnskap om ulike sementeringsmetodar i heile levetida til brønnen
• har innsikt i gjeldande regelverk, standardar, avtalar og krav til kvalitet
• kan vurdere sitt eige arbeid med omsyn til gjeldande normer og krav
• har bransjekunnskap og kjennskap til yrkesfeltet innanfor boring og brønn
• kan oppdatere seg innanfor bore- og brønnvæsker
• kjenner til den historiske utviklinga til bore- og brønnvæskene
• har innsikt i eigne utviklingsmoglegheiter på fagområdet boring

Ferdigheiter

Studenten

• kan utføre nødvendige testar av bore- og brønnvæsker
• kan gjere greie for metodar og utrekningar som blir nytta for bore- og brønnvæsker
• kan gjere greie for og reflektere over testresultat for brønnvæsker og endre eigenskapane til desse væskene, om nødvendig under rettleiing
• kan gjere greie for faglege val av ulike bore- og brønnvæsker
• kan finne og vise til informasjon og fagstoff om bore- og brønnvæsker
• kan kartleggje ein situasjon og identifisere brønnproblem som er relaterte til bore- og brønnvæsker, og setje i verk nødvendige tiltak for å få gjennomført operasjonen

Generell kompetanse

Studenten

• kan planleggje og gjennomføre ein boreoperasjon med rett type bore- og brønnvæske åleine eller som deltakar i ei gruppe og i tråd med dei etiske krava og retningslinjene som varetek miljø, personell og materiell
• kan utføre arbeidet etter operatørensbehov, regelverk og standardar
• kan byggje relasjonar og utveksle synspunkt med fagfellar og på tvers av fag som er involverte i operasjonen, med sikte på å utvikle god praksis
• kan utveksle synspunkt med borepersonalet om boreprosessen og kva væskene har å seie for ein mest mogleg effektiv og sikker operasjon
• kan bidra til organisasjonsutvikling ved hjelp av rapporteringssystem
• kan utvikle arbeidsmetodar, detaljplanar og prosedyrar som er relevante for den aktuelle operasjonen, for å oppnå kontinuerleg forbetring

Emne: Trykkontroll og hydraulikk

15 studiepoeng

Tema:

• HMS med barrierefilosofi (3 stp.)
• Fordjuping: trykkontroll med simulatorøvingar (8 stp.)
• Fordjuping: hydraulikk og pneumatikk (4 stp.)

Læringsutbytte

Kunnskap

Studenten

• har kunnskap om teoriar, fysiske forhold, verktøy og utstyr som har betyding for brønnintegritet og brønnkontroll
• har kunnskap om leiing under ei trykkontrollhending
• har kunnskap om trykk i brønnar i alle fasar av levetida til brønnen
• har kunnskap om dreping av brønnar i alle fasar av levetida til brønnen
• har kunnskap om korleis ein kan reetablere brønnkontroll
• har kunnskap om berekningar både før, under og etter ein situasjon med innstrøyming eller andre kritiske brønnsituasjonar
• har kunnskap om funksjonen og verkemåten til det trykkontrollutstyret som til kvar tid er i bruk
• har kunnskap om hydrauliske og pneumatiske komponentar og system som til kvar tid er i bruk under boring og bygging av ein brønn
• har innsikt i regelverk, standardar, avtalar og krav til kvalitet i samband med arbeid med trykkontroll og hydraulikk
• kan vurdere sitt eige arbeid i samband med trykkontroll og hydraulikk ut frå normer og krav
• kan vurdere dei etiske, juridiske og økonomiske konsekvensane ved ei brønnkontrollhending
• har bransjekunnskap og kjennskap til yrkesfeltet innanfor boring og brønn
• kan oppdatere seg om trykkontroll og hydraulikk i samsvar med regelverk og standardar
• kjenner til den historiske utviklinga innanfor brønnkontroll og tilhøyrande utstyr med erfaringar frå tidlegare storulykker
• har innsikt i eigne utviklingsmoglegheiter som sertifiseringar i trykkontroll og hydraulikk gir
• forstår kva brønnintegritet og brønnkontroll betyr for å unngå hendingar som kan skade det ytre miljøet

Ferdigheiter

Studenten

• kan gjere greie for faglege val av løysingar, utstyr og væsker for brønnintegritet og brønnkontroll
• kan gjere greie for val av rett drepemetode
• kan gjere greie for val av HMS-tiltak og barrierefilosofi i alle fasane til brønnen
• kan reflektere over si eiga faglege utøving under trykkontrollrelaterte situasjonar i ein brønn og justere denne under rettleiing
• kan finne og vise til informasjon og fagstoff om trykkontroll og pneumatiske og hydrauliske system og vurdere relevansen for ei yrkesfagleg problemstilling
• kan kartleggje ein brønnkontrollsituasjon og identifisere faglege problemstillingar og behov for å setje i verk tiltak, til dømes å setje i gang ein drepeoperasjon etter ei trykkontrollhending

Generell kompetanse

Studenten

• kan planleggje og gjennomføre drepeoperasjonar i samsvar med program som deltakar i ei gruppe og i tråd med etiske krav og retningslinjer
• kan utføre arbeidet etter operatørensbehov, krav frå myndigheitene og regelverk og standardar som varetek miljø, personell og materiell
• kan byggje relasjonar og utveksle synspunkt med fagfellar og på tvers av fag som er involverte i trykkontrolloperasjonar, med sikte på å utvikle god praksis
• kan utveksle synspunkt med andre med bakgrunn frå bore- og brønnbransjen og delta i diskusjonar om utvikling av effektiv og sikker praksis
• kan bidra til organisasjonsutvikling ved hjelp av rapporteringssystem
• kan utvikle arbeidsmetodar, detaljplanar og prosedyrar som er relevante for den aktuelle operasjonen, for å oppnå kontinuerleg forbetring

Emne: Lokal tilpassing

15 studiepoeng

Tema: Skulen skal opprette eit lokalt emne eller ei kvalifiserande spesialisering som skal gi studenten fagleg breidd og/eller bidra til fagleg fordjuping.

Læringsutbytte

Kunnskap

Studenten

• Tilbydaren beskriv kunnskap i samsvar med NKR.

Ferdigheiter

Studenten

• Tilbydaren beskriv ferdigheiter i samsvar med NKR.

Generell kompetanse

Studenten

• Tilbydaren beskriv generell kompetanse i samsvar med NKR.

Emne: Hovudprosjekt

10 stp. fagspesifikt for boring

Læringsutbytte

Kunnskap

Studenten

• har kunnskap om korleis ein skriv ein prosjektrapport
• har særskild kunnskap om eit sjølvvalt tema med ei problemstilling innanfor fordjupinga
• har kunnskap om korleis ein innhentar informasjon om temaet for eit hovudprosjekt
• har kunnskap om samanhengen mellom teori og praksis
• kan vurdere sitt eige prosjekt med omsyn til gjeldande regelverk og standardar
• kjenner til bransjen/yrka som er knytte til temaet i hovudprosjektet

Ferdigheiter

Studenten

• kan gjere greie for val av tema for hovudprosjektet
• kan identifisere, kartleggje og vurdere ei fagleg problemstilling
• kan delta i teamarbeid, planleggje, kommunisere og presentere prosjektarbeid og resultat
• kan skrive ein rapport om eit prosjekt
• kan drøfte samanhengen mellom teori og praksis
• kan reflektere over sitt eige prosjekt og justere dette under rettleiing frå fagfolk
• kan finne og vise til informasjon og fagstoff for å vurdere kor relevant ei problemstilling er i eit prosjekt

Generell kompetanse

Studenten

• kan planleggje og gjennomføre eit prosjektarbeid åleine og som deltakar i ei gruppe i tråd med formelle og etiske krav og retningslinjer
• har utvikla eit medvit rundt prosjektarbeid og kan fordjupe seg i tema som dannar grunnlag for prosjektet, og tenkje kreativt og nyskapande
• kan utføre eit prosjektarbeid i tråd med behova til bedrifta eller arbeidsgivaren
• kan utveksle synspunkt med andre i gruppa eller bedrifta og delta i diskusjonar om utviklinga av eit prosjekt